Pavlodar oblysynda shybyn-shirkeıdiń beti qaıtar emes. Oblys ortalyǵynda jaǵdaı birshama turaqtaldy. Ásirese, aýyl jurtynyń masadan mazasy ketti, dep habarlaıdy "Adyrna" ulttyq portaly 24.kz arnasyna silteme jasap.
Aqtoǵaı aýdanyna qarasty Qojamjar aýylynyń turǵyndary qansorǵysh jándikterdiń kóptigi sonsha, qoradaǵy qoılar aram ólip jatyr deıdi. Murat Ábdýmálikov toqtysynyń ólip qalǵanyn tańerteń kórgen. Óristen saý kelgen marqanyń aýrýdan ólmegenin aıtady. Masa men shirkeıge shydamaǵan ıtter de túni boıy qyńsylap shyǵady.
Murat Ábdýmálikov, Qojamjar aýylynyń turǵyny:
– 3 kún boıy, mine, masa talap jatyr. Tań atqansha tútin salyp júremiz. Iá, masadan óldi. Basqa neden? Itter, áne, jatyr bári tyǵylyp, saraıdan shyqpaıdy eshqaıda.
Ólgen maldan alynǵan synama saraptamaǵa jiberildi. Ábden mezi bolǵan kópshilik jaǵdaıdy qalta telefondaryna túsirip, áleýmettik jelilerge júktegen. Al aýdannyń atqa minerleri bolsa ýlaý jumystary júrip jatqanyn aıtady. Bul úshin bıyl 602 mıllıon teńge bólingen.
Ermek Mashryqov, Aqtoǵaı aýdany ákiminiń mindetin atqarýshy:
– Aqtoǵaı aýdanynyń bıýdjetinen 1 mln. 380 myń teńge aqsha bólindi. Ol aqshanyń 510 myńy preparat satyp alýǵa, sonan keıin 288 qalǵan somasy obrabotka jasaýǵa, ýlandyrý jumystaryn jasaýǵa bólindi. Ótes aýylynan bastap barlyǵynda ýlandyrý jumystaryn áldeqashan bastadyq. Búgingi kúni 4 ret ýlandyrý jumystary júrgizildi. Bul jumys áli de jalǵastyrylýda. Erteń, búrsigúnderi Aqtoǵaı basyna taǵy da jasaıyn dep jatyrmyz.
