Ortalyq Afrıka Respýblıkasyndaǵy reseılik jendetter beıbit turǵyndardy óltirdi. Olardyń arasynda balalar da boldy, dep habarlaıdy «Adyrna» tilshisi CNN telearnasyna silteme jasap.
Atap aıtqanda, Fatýma esimdi Bambarı qalasynyń turǵyny basylymǵa bergen suhbatynda Reseı sodyrlarynyń 2021 jyldyń aqpan aıynda birneshe adamdy mert qylǵandaryn aıtty. Áskerılerdiń pikirinshe, olar OAR bıligine qarsy shyqqan "Seleka" tobynyń músheleri bolýy múmkin.
Fatýmanyń aıtýynsha, 15 aqpanda tústen keıin qalada atys bastalǵan. Áıel dereý balalardy jınap, basqa adamdarmen birge jasyryný maqsatynda meshitke barady. Alaıda áskerıler meshitti qorshap alyp, shyǵýdy buıyrǵan. Adamdar meshitten qoldaryn kóterip shyǵa bastaǵanda, jendetter olarǵa oq jaýdyrǵan.
Beıbit turǵyndar arasynda bolǵan er adam jýrnalısterge aıaǵynan jaraqat alǵanyn aıtty. Ol medıınalyq kómek ala almaǵan. Aqyr sońynda zardap shegýshi tizeden tómen aıaqtyń bir bóligin kesip tastaýǵa májbúr boldy.
Adja esimdi qala turǵyny jendetterdiń úsh kún boıy qaza tapqandardyń denelerin alyp ketýge múmkindik bermegenin málimdedi. Onyń 15 jasar uly men kúıeýin reseılik sodyrlar atyp óltirgen.
Tergeýshilerdiń aıtýynsha, oqıǵa saldarynan 12-den 20-ǵa deıin adam qaıtys bolǵan, olardyń arasynda balalar da bar.
CNN habarlaǵandaı, orystarmen birge Sırııadan kelgen jaldamalylar da OAR-daǵy soǵys qımyldaryna qatysqan. BUU málimetteri boıynsha, qazirgi ýaqytta bul elde 2300-ge jýyq jaldamaly adam bar.
«Adyrna» ulttyq portaly
