Hýbeı provınııasynyń Shııan qalalyq okrýgindegi bazarlardyń birinde gaz jarylysynan 12 adam qaza taýyp, 37 adam jaraqat aldy, dep habarlaıdy «Adyrna» tilshisi.
Barlyǵy 144 adam aýrýhanaǵa jatqyzyldy. Jarylys turǵyn úı kesheniniń aýmaǵynda bolǵan. Onyń saldarynan 40-qa jýyq dúńgirshek qırady.
Qazirgi tańda oqıǵa ornyna shuǵyl kómek kórsetý úshin densaýlyq saqtaý komıtetiniń arnaıy toby jiberildi.
"Shııandaǵy gaz jarylysy aýyr shyǵyndarǵa ákeldi. Biz zardap shekkenderdi qutqaryp, kinálilerdi jaýapqa tartý úshin bar kúshimizdi salýymyz kerek", — delingen Sı zınpınniń málimdemesinde.
«Adyrna» ulttyq portaly
