On bala týǵan Ońtústik Afrıkalyq áıel óziniń urpaqtaryn baǵyp-qaǵý úshin qarjylaı kómek surap jatyr, alaıda sheneýnikter onyń bosanýyna baılanysty dálel taba almaı jatqan kórinedi, dep habarlaıdy «Adyrna» ulttyq portaly Stan.kz aqparat agenttigine silteme berip.
Dúkende menedjer bolyp jumys istegen 37 jastaǵy Gozıam Sıthol bosanǵannan keıin jumys isteı almaıtynyn jáne ómir súrýge oǵan pampers, balalar taǵamy, bótelkeler, kıim-keshek pen qolma-qol aqsha qajet etetinin aıtty.
Kúıeýi jumyssyz áıel eki aılyq júktilik kezinde aqysyz demalys alyp, jınaqtaryn taýysqanyn, qazi oǵan qart qaıyn enesi kómektesetinin aıtady.
Alaıda sheneýnikter Sıtholdyń bala bosanǵanyn dáleldeıtin aıǵaqtar jetkiliksiz ekenin aıtady.
Áleýmettik qyzmetkerler otbasyny 2016 jyldan beri tanıtynyn aıtady. Sol jyly ol egizderi týǵan. Jaqynda olar áıeldiń úıine faktini dáleldeý úshin adam jiberetinin habarlady.
Aımaqtyq gýbernatordyń ókili Tabo Masebe óziniń provınııasyndaǵy kez kelgen aýrýhanada - memlekettik nemese jeke aýrýhanada 10 náresteniń týǵany týraly eshqandaı habarlama tirkelmegenin jáne mundaı oqıǵany «jasyrý qıyn» bolatynyn aıtty.
Independent Media basylymynyń Gaýtengtegi áıeldiń on bala dúnıege ákelgeni týraly habarlamalarynan keıin Gaýteng provınııasy úkimeti aqparattyń rastyǵyn anyqtaý úshin provınııanyń barlyq aýrýhanalarynda muqııat tekserý júrgizdi.
«Provınııanyń birden-bir aýrýhanasynda mundaı bala bosaný týraly aqparat joq. Eger shyn máninde bosaný jaıly aqparat ras bolyp shyqsa, bul álemdik rekord bolmaq», - dedi baspasóz qyzmetkeri.
Sıtholdyń kúıeýi Tebogo oteı dúısenbide keshke jýrnalısterge áıeli jeti ul men úsh qyz týdy dep málimdedi.
MailOnline basylymy áıeldiń bosanǵanyn rastaı almaǵan, sebebi aýrýhananyń ataýy jarııa etilmegen.
«Biz anasy men onyń balalaryn áli kórgen joqpyz, alaıda olar 2016 jyldan beri bizdiń klıentterimiz. Áıel osyǵan deıin egizder týǵan», - dedi ol.
Ońtústik Afrıkalyq BAQ aqparatqa qatysty ekige bólindi: biri munyń rastyǵyn aıtyp dáleldeýge tyryssa, endi biri aqparattyń birden jalǵan ekenin málimdedi.
Basylymnyń málimetinshe, kúdik uıalatatyn nárse - áıeldiń bosanǵannan keıingi fotosynyń, balalarynyń sýretiniń joq ekendigi. Pretoria News jarııalaǵan erli-zaıyptylardyń suhbaty áıeldiń bala bosanǵannan keıin ǵana basylymǵa jaryq kórgen.
"Adyrna" ulttyq portaly
