"Jalaqymyzdy kóterýdi surap edik, jumystan shyǵaryp jiberdi"! qyzmetkerleri búgin shý shyǵardy. Bazynalaryn aıtyp, basshylyǵyna barǵanymen olardy kúzetshiler mekeme ǵımaratyna kirgizbeı qoıǵan. Aqyry eńbek ınspekııasyny aralasqan daý nemen tyndy? Jabyq esik artyndaǵy kelissózderdiń nátıjesi týraly aqparatty «Eýrazııa» birinshi arnasy habarlaıdy.
AQBAIaN SULTANMURATOVA:«Jumysshylardyń basshylyqtyń jaýabyn kútip júrgenine búgin ekinshi kún. Keshke saǵat altyǵa deıin kútken, alaıda olardy qaqpa syrtyna shyǵaryp jibergen. Mine, tańǵy saǵat 8-den beri jumys ornyna kelip tur. Alaıda, basshylyq tarapynan mán-jaıdy túsindirip beretin eshkim joq. Jumysshylar jaýap almasaq, eńbek departamentine shaǵymdanamyz dep otyr»
Basshylyqtan bireý-mireý shyǵyp qala ma dep, qaqpa aldynda qańtarylyp júrgen jumysshylardyń bul jartysy ǵana. Kólik-logıstıkalyq ortalyǵynyń 50 shaqty qyzmeteri keshe jalaqylaryn ósirýdi surap, usynystaryn aıtypty. Aılyq páter aqysy men jolaqydan aspaıdy, al azyq-túlik bolsa qymbattap ketkenin de eskerttik dep tur. Meıram kúnderi demalyssyz, keıde tipti artyǵymen jumys istegenderin de aıtady.
BOLATBEK SARQULOV, JUMYSShY: «Shtat nehvatka postoıanno. Biz kladovıkter jumys istep júrip, grýzchık, sborık bolyp jumystar isteı beremiz. Tańerteń 8-30 da bastalsa jumys, eger 8-31-de kirsek, 500 teńge ustaıdy 1 mınýtqa. 20 myńnan qossyn dep suradyq, ol úshin bizderdi jumystan shyǵyńdar dedi»
NURǴALI NURMUHAMEDULY, JUMYSShY: «Kim kiredi sol jumys isteıdi, kim kirmeıdi sol ývolen dedi. Mine, búgin tańerteń keldik, boldy! V obem 100 myń, bylaı 67- 70 myń alamyz ǵoı».
Jumysshylardyń aıtýynsha, olardyń mindetine qoımadaǵy zatty iriktep, jınastyryp, bólip, tıep qaladaǵy iri gıperamarket jelilerine taratý kiredi. Al ortasha jalaqy 80 myń teńge. Ony ósirmese, kúnkóris qamy qıyndap bara jatqanyn aıtyp, basshylyqty qulaǵdar etken. Sodan beri jarty jyl ótkenimen, ótinishimizge qulaq asqan eshkim bolmady, deıdi. Shydamy taýsylǵan elý shaqty adam keshe taǵy osy máseleni kóteripti.
INDIRA SAǴYNBAZAROVA, QYZMETKER: «Lıýdeı prosto-naprosto vykınýlı «AÝDARMA: Bizdi dalaǵa qýyp shyqty. Biraq, eshkim resmı túrde jumystan bosatyldyń, ıá bolmasa, sebebi osylaı dep túsindirmedi. Kúzetshi jumys ornymyzǵa kirgizbeı tur».
Ne sebepti jumystan qýylǵanyn bilmegender qaqpa aldynda sarylyp kútýmen boldy. Jumys berýshige qońyraý da shaldy. Biraq, jaýap bolmady. Tilshilerdiń aralasýynan keıin eńbek ınspekııasy narazy toppen kezdesip, artynsha taraptar ortaq mámilege kelgen.
"Adyrna" ulttyq portaly
