Aralas mektepter bala tárbıesine keri áser etedi

1895
Adyrna.kz Telegram

         Búginde elordada 15 myń oqýshyǵa oryn jetispeıdi, bul kórsetkish 2025 jylǵa qaraı 90 myńǵa jetedi degen boljam bar. Mektep tapshylyǵy máselesin sheshý úshin salynǵan aralas tildi mektepter ult úshin qaýipti – dedi  sarapshylar MEDIA CLUB QAZAQSTAN platformasynda ótken tikeleı efırde.

Efır barysynda Nur-SultandaBi Group kompanııasy salǵan BINOM School máselesi qozǵaldy. Áýel basta qazaq mektebi bolady degen jalaýmen ashylǵan ınnovaııalyq mektep keıin aralas júıege kóshken. Onyń sebebin moderator atalǵan mekteptiń dırektory Sholpan Qadyrovadan suraǵan bolatyn, alaıda tuymdy jaýap bolmady.

         «Bıyl birinshi synypqa ótinim bergenderdiń 70%-y qazaq tildi balalar. Qalǵan ata-analar orys tilindegi synyp ashýdy suraıdy. Búginde elimizde aralas tildi mektepter sany kóbeıýde. Biraq taza orys tilinde oqytatyn mektepter azaıdy. Sebebi, olar orys mektebinen aralas tildi mektepke aınalyp jatyr»,- dedi Sholpan Qadyrova.

Efır moderatory Erbolat Muhamedjannyń pikirinshe, aralas mektepter, bala tárbıesine keri áser etedi.  Búginde olardyń 90%-ynda jınalys, tárbıe saǵattary orys tilinde ótip, qońyraý ýaqytynda oqýshylar resmı tilde sóılesedi.

«Elimizde aralas mektepter sany 30%-dy quraıdy. Bilim jáne ǵylym mınıstrligindegi Ulttyq bilim berý derekter qorynyń 2021 jylǵy málimetine sáıkes, Qazaqstanda 1,5 mln-ǵa jýyq bala 2047 aralas tildi mektepte bilim alýda.  Aralas mektepterdiń sany basym óńirlerdiń kóshin Almaty oblysy bastap tur. Ondaǵy 306 aralas mektepte 256 020 oqýshy bilim alýda.  Mańǵystaý oblysyndaǵy  15 aralas mektepte 25 744 bala oqyp jatyr»,- dep atap ótti Erbolat Muhamedjan.

 

MEDIA CLUB QAZAQSTAN

70-30-42

 

Pikirler