Tólebı aýdanynyń turǵyny Aıdana Qaldyqul tiliniń astynan ósken etti bes mınýttyq operaııada aldyryp tastaý úshin oblystyq balalar aýrýhanasyna barǵan. Biraq qarapaıym otany dárigerler tym kúrdelendirip jibergeni sonshalyq, endi jasóspirim ómir boıyna múgedek bolyp qalýy ábden múmkin, dep habarlaıdy KTK arnasy.
Dárigerlerdiń biri narkozdy kóp berip qoısa, ota ústinde aparattary óship qalyp 15 jasar naýqastyń birer mınýtqa júregi toqtap qalǵan. Sóıtip mıy qabynǵan oqýshy qyz 10 kúnnen beri aýyr halde jatyr.
Tólebı aýdanynyń turǵyny portal arqyly 27 mamyrda Shymkenttegi oblystyq balalar aýrýhanasyna kelgen. Biraq bes mınýt jasalady degen ota birneshe saǵatqa sozylyp, tipti júregi berer mınýtqa toqtap qalǵan. Ony ota kezinde salǵyrttyq tanytqanyn dárigerlerdiń ózi týystaryna aıtyp, moıyndapty.
Aıdananyń anasy Farıda Ótegenova dárigerlerdiń narkoz kóp berip, salǵyrt qaraǵanyn alǵa tartady.
"Tipti, aparattary isten shyqqanyn ózderi, bas anestezolog Qanat Kerimbekulynyń ózi moıyndady. Endi qoldan keler shara joq dep otyr", – deıdi Aıdananyń anasy.
Otbasyndaǵy tórt balanyń tuńǵyshy Aıdana bıyl 9 synypty bitirgen. Mıy qabynǵan qyz 10 kúnnen beri jansaqtaý bóliminde es-tússiz jatyr. Operaııaǵa óz aıaǵymen kirgen jetkinshektiń mundaı jaǵdaıda ekenine jaqyndary sene alar emes. 15 jasar naýqasty qalaı bolsa da aıaǵynan turǵyzyp bersin dep otyr.
"Bilikti mamandaryn shaqyrsyn, qyzymdy aıaǵynan turǵyzsyn. Sol aıtar nársem. Órimdeı qyz edi, óz aıaǵymen kelip, mynadaı jaǵdaıǵa túsip otyr. Kináliler jazalansyn. Tıtteı nársege meniń qyzymdy qorlap otyr", – deıdi Aıdananyń ájesi Zııada Moldybaeva.
Aıdananyń jaqyndary ota jasaǵan dárigerlermen kezdesýdi talap etken. Biraq jaýaptylardyń biri syrqattanǵanyn aıtsa, ekinshisi sóılesýden bas tartqan. Biraq telefonmen tildeskende bar jaýapkershilikti bir-birine siltedi. Al jansaqtaý bóliminiń meńgerýshisi bes saǵattyq otadan shyqqan Aıdananyń bólimge túskende mıynyń 90 paıyzy qabynǵanyn aıtady. Sondyqtan aıaǵyna turyp ketýi ekitalaı deıdi.
"Telemedıına bolatyn bolsa, telemedıınamen sóılesemiz. Joǵary jaqtan keńes berse, bárin isteımiz. Al eger Almaty jaqtan kelisim bolsa ony da qarastyramyz. Biraq qazirgi kezde balanyń jaǵdaıy ondaı tasymaldaýdy kótere almaıdy, jaǵdaıy aýyr", – Túrkistan oblysy balalar aýrýhanasy jansaqtaý bóliminiń meńgerýshisi Gúlzıra Qudaıbergenova.
Dárigerler Aıdana aıaǵynan turǵanymen, burynǵy qalpyna endi kelmeıtinin aıtady. 15 jasar órimdeı qyz aman qalsa da, múgedek bolyp qalý qaýpi bar. Sondyqtan oqýshy qyzdyń jaqyndary qarapaıym otada qoly qalt ketken dárigerler jazasyn alsyn deıdi. Qazir dárigerler tobyna qatysty ishki tekseris júrip jatyr.
