Sońǵy kezderi ınternet, telefon, vatsap alaıaqtardyń kóbeıip ketkeni belgili. Qylmys álemi endi onlaın rejımde jurtty aldaýǵa kiristi. Qashyqta otyryp qarapaıym adamdardy qan qaqsatatyn mundaı qylmysqa qarsy kúresý úshin Ishki ister mınıstrligi Maqan Esbolatov atyndaǵy Almaty akademııasynda mamandar daıarlana bastady. Mundaı sheshim ótken jyly qabyldanǵan bolatyn. Endi polıııa qyzmetkerleri qoǵamdyq tártiptiń kúzetshileri ǵana emes, baǵdarlamashy da bolady. Olardy túrli hakerlermen qalaı kúresýge úıretpek.
-Tehnologııa kún saıyn ózgerip jatqan qazirgi zamanda kıberqylmyspen kúresý óte mańyzdy bolyp otyr, -deıdi Almaty akademııasynyń bastyǵynyń orynbasary Janat Dılbarhanova,-Atalǵan qylmyspen kúres mamandyǵyna bizder osy saladan tájirıbesi bar kadrlardy tartyp otyrmyz. Olardy daıyndaýǵa basqa da uıymdar men mekemeler qatysýda.
Óte keremet jańalyq! Endi onlaın-alaıaqtardyń erkinsýi basylyp, zań aldynda jaýap beretin kúnderi de alys emes dep oılaımyz.
