Qashyqtyqtan oqytýdyń tıimsiz tusy kóp ekenin jaqsy bilemiz. Ásirese, bul jaǵdaı aqyly oqıtyn stýdentterdiń úlken máselesi bolmaq, sebebi tólep jatqan aqshaǵa olar qanaǵattanarlyq bilim alyp, stýdenttik ómirdi súrip jatqan joq. Iá, qashyqtyqtan oqyp ta bili alýǵa bolady dep oılaıtyn shyǵarsyzdar. Bul qate pikir, “Shymshyq soısa da, qasapshy soısyn” degen sóz bar. Demek biz bilimdi barlyq standartqa saı, oqyp jatqan jerimizden, ustazdarymyzdy kórip, barsha sýdentterdiń aldynda ortaǵa shyǵyp, sol aýrany sezinip, dáristi tyńdap, erkindikti sezinip, ózimizdi kórsetýimiz kerek. Kúnine 7 sabaq bolsa, 7-saǵat telefonǵa telmirip, apaı meni kórip turǵan joq eken degen oımen, aıtqandy qulaqqa ilmeı, jasyrynyp júre bergenimiz de aqylǵa qonymsyz áreket. Qashyqtyqtan oqý arqyly stýdentterdiń arasyndaǵy básekelestik, jarys, umtylys syndy dúnıeler joǵalyp, onyń ornyna jalqaýlyq, birizdilik, ıaǵnı daıyn dúnıeni ınternetten oqyp berý ıakı oqytýshynyń dárisin qaıtalap aıtý sııaqty jaman qasıetter men ádetter qalyptasa bastaıdy.
Baılanysqa shyǵý úshin, qashyqtyqtan oqý úshin aýadaı qajet jeli(set) jaǵymyz aqsap tur, odan keıin jaqsy qosymsha(prılojenııa) joq, birimen sabaqqa kirip dáris tyńdasań, birimen tapsyrma jiberesiń, endi birimen sol dáristi aıtasyń, bas-basyna bir-bir qosymshadan, sonyń barlyǵyn bir qosymshaǵa endirip stýdentterge usyna almaǵandyǵy. Bunyń bári stýdentke ǵana emes, erteń el bolashaǵyna da zııanye tıgizedi, óıtkeni bul jaǵdaıda bilim alǵan dıplom ıesi jaqsy maman bolyp, elimizdi damytýy ekitalaı.
Jalpy stýdenttik ómir - bul adamnyń esinde qalatyn óte jarqyn shaqtarynyń biri, alaıda 5-6 jyldan keıin bizdiń stýdenttik shaǵymyz... dep áńgime bastaǵanda aıtar qyzyq, tilge tıek eter sát bolmasa tipti qıyn.
