Búgin, 4 maýsym – memlekettik rámizder kúni.
1992 jyldyń 4 maýsymynda Elbasy Nursultan Nazarbaev «Qazaqstan Respýblıkasynyń Memlekettik týy týraly», «Qazaqstan Respýblıkasynyń Memlekettik eltańbasy týraly» jáne «Qazaqstan Respýblıkasy Memlekettik ánuranynyń mýzykalyq redakııasy týraly» Zańdarǵa qol qoıǵan bolatyn. «Qazaqstan Respýblıkasynyń Memlekettik rámizderi týraly» Konstıtýııalyq Zań 2007 jyly 4 maýsymda qabyldandy.
1992 jyly memlekettik rámizderdi daıyndaý úshin arnaıy shyǵarmashylyq komıssııa quryldy. Quramyna belgili zańgerler men qoǵam qaıratkerleri kirdi. Al sodan soń eltańba, tý, ánuran jobasyn jasaýǵa konkýrs jarııalanǵan edi.
Atalmysh konkýrsqa 600-den astam adam qatysty. Memlekettik tý eskızi boıynsha 1200 ótinimniń ishinen sýretshi Sháken Nııazbekov salǵan memlekettik tý bekitildi.
Eltańba jobasy boıynsha sáýletshi Jandarbek Málibekov pen Shota Ýálıhanovtyń eńbegi úzdik dep tanyldy. Al 2018 jyly eltańbada «Qazaqstan» jazýy latyn grafıkasymen QAZAQSTAN ózgertildi.
"Adyrna" ulttyq portaly
