Elimizde 32 pedofıl jyl sońyna deıin bostandyqqa shyǵady. Zorlyq-zombylyq jasaǵandarǵa májbúrli túrde hımııalyq kastraııa jasalmaıdy. Olar shyqqannan keıin minez-qulqyna baılanysty alty aıdan úsh jylǵa deıin polıııanyń baqylaýynda bolady. Degenmen erkin ómirge oralǵan pedofılder qaıta qylmys jasaıdy. Psıhologtar men quqyq qorǵaýshylar osylaı dep dabyl qaǵyp otyr, dep habarlaıdy «Adyrna» ulttyq portaly «Habar 24» arnasyna silteme jasap.
Byltyr balalarǵa qatysty úsh júzden asa zorlyq-zombylyq qylmysy tirkelipti. Bul tek belgili bolǵan derekter. Al jynystyq sıpattaǵy áreketterdi ata-analar kóp jaǵdaıda jasyryp qalady. Psıhologtarǵa júginý de sırek kezdesedi.
«Mundaı jaǵdaıǵa tap bolǵan balanyń psıhologııasyna zaqym keledi. Ony áp-sátte emdeý múmkin emes. Ol úshin uzaq jumys isteý qajet. Zorlyq-zombylyqtan aman qalǵan balanyń minez-qulqynda aýytqý bolyp, ózine zııan keltirýi de múmkin. Bizde tek qyz balasy zorlyq-zombylyqqa ushyraıdy degen oı qalyptasqan. Ókinishtisi, uldar da, jastar da jábirlenip jatady», - dedi «Qorǵaý Astana» qorynyń jetekshisi Anna Ryl.
Sottalǵan pedofıl bostandyqqa shyqqannan keıin burynǵy qylmysyn qaıta jasaıdy deıdi psıhologtar. Buǵan statıstıka dálel. Qazirgi ýaqytta 2 myńǵa jýyq adam jazasyn ótep jatyr, olardyń 20 proenti pedofıl-reıdıvıster.
«Penıtenıarlyq probaııa zańdaryna sáıkes, qylmyskerdi bostandyqqa shyǵarar aldynda bir jyl buryn daıyndyq bastalady. Iaǵnı áleýmettik nemese basqa kómek kórsetýdiń barlyq múmkindikteri eskeriledi. Mysaly, eger sottalǵan adamnyń jeke basyn kýálandyratyn qujattary bolmasa nemese zeınetaqy, járdemaqy alý boıynsha qandaı da bir qujattardy resimdeýge muqtaj bolsa, járdem kórsetiledi. Sondaı-aq bosatylǵannan keıin onyń jumysqa ornalasý múmkindigi bar. Sondyqtan bosatandyqqa shyqqannan keıin jergilikti atqarýshy organdar kómek kórsetedi», - dedi QR IIM Qylmystyq-atqarý júıesi komıtetiniń basqarma bastyǵy Bıbigúl Muńaıtpasova.
Sottalǵandardy bostandyqqa jiberý barysynda zeınetaqy men járdemaqy rásimdeıdi. Olarmen psıhologtar da jumys isteıdi. Alaıda quqyq qorǵaýshylardyń pikirinshe, bul tıimsiz. Bostandyqqa shyqqandar qoǵam úshin qaýipti. Sebebi olardyń 90 proenti ózgermeıdi deıdi maman.
«Bizge usynylǵan keıste 24 jastaǵy adamnyń mas kúıinde jasaǵan úkimin zerttedik. Onda qylmysker búldirshinge qatysty aýyr qylmys jasady. Iaǵnı ol jazyqsyz balany zorlaǵan. Biz bul isten bas tarttyq. Sebebi mundaı adamdarmen túrmede psıhoterapevt, psıholog, terapevt jumys isteýi kerek. Biraq bul qyzmetter kesheni aımaq aýmaǵynda uıymdastyrylmaǵan. Bizde ókinishke oraı, júıe joq», - dedi «Pravo» qorynyń jetekshisi Olga Ryl.
Elimizde qylmyskerlermen qoǵamdyq uıymdar da jumys isteýden bas tartady. Mysaly, AQSh-ta hırýrgııalyq kastraııaǵa ruqsat etiledi, al Germanııada pedofılder májbúrlep emdeýge jiberiledi. Olarda pedofılder týraly derekter ashyq jarııalanymda. Qazaqstanda da osyndaı saıt bar. Árbir ata-ana azǵyndardyń meken-jaıyna deıin barlyq aqparatty bile alady.
"Adyrna" ulttyq portaly
