Elımızde 32 pedofil jyl soŋyna deiın bostandyqqa şyǧady. Zorlyq-zombylyq jasaǧandarǧa mäjbürlı türde himiialyq kastrasiia jasalmaidy. Olar şyqqannan keiın mınez-qūlqyna bailanysty alty aidan üş jylǧa deiın polisiianyŋ baqylauynda bolady. Degenmen erkın ömırge oralǧan pedofilder qaita qylmys jasaidy. Psihologtar men qūqyq qorǧauşylar osylai dep dabyl qaǧyp otyr, dep habarlaidy «Adyrna» ūlttyq portaly «Habar 24» arnasyna sılteme jasap.
Byltyr balalarǧa qatysty üş jüzden asa zorlyq-zombylyq qylmysy tırkelıptı. Būl tek belgılı bolǧan derekter. Al jynystyq sipattaǧy äreketterdı ata-analar köp jaǧdaida jasyryp qalady. Psihologtarǧa jügınu de sirek kezdesedı.
«Mūndai jaǧdaiǧa tap bolǧan balanyŋ psihologiiasyna zaqym keledı. Ony äp-sätte emdeu mümkın emes. Ol üşın ūzaq jūmys ısteu qajet. Zorlyq-zombylyqtan aman qalǧan balanyŋ mınez-qūlqynda auytqu bolyp, özıne ziian keltıruı de mümkın. Bızde tek qyz balasy zorlyq-zombylyqqa ūşyraidy degen oi qalyptasqan. Ökınıştısı, ūldar da, jastar da jäbırlenıp jatady», - dedı «Qorǧau Astana» qorynyŋ jetekşısı Anna Ryl.Sottalǧan pedofil bostandyqqa şyqqannan keiın būrynǧy qylmysyn qaita jasaidy deidı psihologtar. Būǧan statistika dälel. Qazırgı uaqytta 2 myŋǧa juyq adam jazasyn ötep jatyr, olardyŋ 20 prosentı pedofil-residivister.
«Penitensiarlyq probasiia zaŋdaryna säikes, qylmyskerdı bostandyqqa şyǧarar aldynda bır jyl būryn daiyndyq bastalady. Iаǧni äleumettık nemese basqa kömek körsetudıŋ barlyq mümkındıkterı eskerıledı. Mysaly, eger sottalǧan adamnyŋ jeke basyn kuälandyratyn qūjattary bolmasa nemese zeinetaqy, järdemaqy alu boiynşa qandai da bır qūjattardy resımdeuge mūqtaj bolsa, järdem körsetıledı. Sondai-aq bosatylǧannan keiın onyŋ jūmysqa ornalasu mümkındıgı bar. Sondyqtan bosatandyqqa şyqqannan keiın jergılıktı atqaruşy organdar kömek körsetedı», - dedı QR IIM Qylmystyq-atqaru jüiesı komitetınıŋ basqarma bastyǧy Bibıgül Mūŋaitpasova.Sottalǧandardy bostandyqqa jıberu barysynda zeinetaqy men järdemaqy räsımdeidı. Olarmen psihologtar da jūmys ısteidı. Alaida qūqyq qorǧauşylardyŋ pıkırınşe, būl tiımsız. Bostandyqqa şyqqandar qoǧam üşın qauıptı. Sebebı olardyŋ 90 prosentı özgermeidı deidı maman.
«Bızge ūsynylǧan keiste 24 jastaǧy adamnyŋ mas küiınde jasaǧan ükımın zerttedık. Onda qylmysker büldırşınge qatysty auyr qylmys jasady. Iаǧni ol jazyqsyz balany zorlaǧan. Bız būl ısten bas tarttyq. Sebebı mūndai adamdarmen türmede psihoterapevt, psiholog, terapevt jūmys ısteuı kerek. Bıraq būl qyzmetter keşenı aimaq aumaǧynda ūiymdastyrylmaǧan. Bızde ökınışke orai, jüie joq», - dedı «Pravo» qorynyŋ jetekşısı Olga Ryl.Elımızde qylmyskerlermen qoǧamdyq ūiymdar da jūmys ısteuden bas tartady. Mysaly, AQŞ-ta hirurgiialyq kastrasiiaǧa rūqsat etıledı, al Germaniiada pedofilder mäjbürlep emdeuge jıberıledı. Olarda pedofilder turaly derekter aşyq jariialanymda. Qazaqstanda da osyndai sait bar. Ärbır ata-ana azǧyndardyŋ meken-jaiyna deiın barlyq aqparatty bıle alady.
"Adyrna" ūlttyq portaly
