Vakına saldyrǵan adam ushaqqa minbeıdi - qanshalyqty ras?

3114
Adyrna.kz Telegram

Áleýmettik jelide koronavırýsqa qarsy vakına alǵandarǵa ushaqpen ushýǵa bolmaıtyny týraly vıdeo tarady. Sebebi tromboz nemese qan ketý qaýpi bar. Stopfake.kz saıty bul aqparatty joqqa shyǵardy.

Óıtkeni, koronavırýsqa qarsy ekpe saldyrǵan adamdar úshin ushý qaýpi jaıynda dárigerler de, ǵalymdar da eshqandaı málimdeme jasamaǵan.

"Medıına ókilderi vakınanyń ekinshi dozasyn alǵan adamdarǵa, tek eki-úsh aptadan keıin ushaqpen ushýǵa keńes bergen. Sebebi, osy ýaqyttyń ishinde aǵzada antıdeneler qalyptasady. Sondaı-aq, mamandar ekpe saldyrǵan týrısterdi saqtyq sharalaryna nemquraıly qaramaýǵa shaqyrady. Vakına saldyrsa da betperde taǵyp, áleýmettik qashyqtyqty saqtaý qajet", – delingen aqparatta.

Al ushý kezinde vakınaııalanǵan adamdarda tromboz nemese qan ketý qaýpi artatyny týraly eshkim aıtqan joq. Bul mıf aǵylshyn tildi jelilerde shyqqan. Atap aıtqanda, "áýe kompanııalary jappaı ólimniń aldyn alý úshin ekpe alǵan adamdarǵa ushýǵa tyıym salady" degen qaýeset tarady. Biraq táýelsiz faktchekerler ony joqqa shyǵardy. Áýe tasymaldaýshy kompanııalar da ondaı shekteýlerdi engizý josparda joq ekenin málimdedi.

Máselen, bıyl 8 sáýirde Qatar Airways bortynda bolǵan barlyq jolaýshy men qyzmetker ekpe alyp shyqqan. Sol kúni ushý kezinde jáne qonǵannan keıin tromboz nemese qan ketý jaǵdaılary tirkelgen joq.

Basqa áýe kompanııalary da koronavırýsqa qarsy vakına alǵan týrısterdi tasymaldaýǵa daıyn ekendigin habarlady. AQSh aýrýlardy baqylaý jáne aldyn alý ortalyǵy vakınaııalanǵan adamdarǵa ushýǵa resmı túrde ruqsat berdi.

Eýropa odaǵyna kiretin memleketter de COVID-19-ǵa qarsy ekpe alǵan týrısterdi qabyldaýǵa daıyn ekenin málimdedi.

 

 

Pikirler