Qaraǵandyda 91 jastaǵy zeınetkerdiń páterin tonaǵan qaraqshylar ustaldy, dep habarlaıdy «Adyrna» tilshisi Polisia.kz-ke silteme jasap.
«27 mamyrda saǵat 2:30 shamasynda Qaraǵandy qalasynyń PB Temirjol polıııa bólimine belgisiz adamdar 91 jastaǵy zeınetker turǵan páterge basyp kirip, onyń barlyq jınaqtaryn alyp ketkeni týraly habarlama tústi.
Qylmystyq kodeksiniń 191-baby (Tonaý) boıynsha qylmystyq is qozǵalyp, jedel-tergeý toby iske kiristi. Jábirlenýshiniń aıtýynsha, tonaýshylar ekeý bolǵan. Olar zeınetkerdiń páterine esik arqyly kirgen, qart adamǵa qulypty ashyp jabý qıyndyq týdyrǵandyqtan, esiktiń sabyn oryndyqqa arqanmen baılaǵan. Betterin medıınalyq maskalarmen japqan qaskúnemder, qarııany qorqytyp, aqsha talap etken. Zeınetker olarǵa barlyq jınaqtaryn – 449 myń teńge berip qutylǵan.
Polıııa qylmystyń yqtımal kýágerlerin anyqtaı otyryp, oqıǵa bolǵan jerge jaqyn ornalasqan turǵyndar men garaj ıelerimen, sondaı-aq ótip bara jatqan adamdarmen sóılese júrip, kúdiktilerdiń izine tústi.Jedel-izdestirý is-sharalaryn júrgizý barysynda krımınaldyq polıııa qyzmetkerleri kúdiktilerdi – 26 jáne 27 jastaǵy er adamdardy anyqtap, ustady»,— delingen habarlamada.
Kúdiktiler urlanǵan aqshanynyń biraz bóligin jumsap úlgergen. Osy qylmystyń egjeı-tegjeıin anyqtaǵannan keıin qylmystyq is Qazaqstan Respýblıkasy Qylmystyq kodeksiniń 192-baby (Qaraqshylyq) boıynsha qaıta saralandy.
Qazirgi ýaqytta tergeý amaldary júrgizilip jatyr. Kúdiktiler ýaqytsha ustaý ızolıatoryna ornalastyryldy.
«Adyrna» ulttyq portaly
