Qaraǧandyda 91 jastaǧy zeinetkerdıŋ päterın tonaǧan qaraqşylar ūstaldy, dep habarlaidy «Adyrna» tılşısı Polisia.kz-ke sılteme jasap.
«27 mamyrda saǧat 2:30 şamasynda Qaraǧandy qalasynyŋ PB Temırjol polisiia bölımıne belgısız adamdar 91 jastaǧy zeinetker tūrǧan päterge basyp kırıp, onyŋ barlyq jinaqtaryn alyp ketkenı turaly habarlama tüstı.
Qylmystyq kodeksınıŋ 191-baby (Tonau) boiynşa qylmystyq ıs qozǧalyp, jedel-tergeu toby ıske kırıstı. Jäbırlenuşınıŋ aituynşa, tonauşylar ekeu bolǧan. Olar zeinetkerdıŋ päterıne esık arqyly kırgen, qart adamǧa qūlypty aşyp jabu qiyndyq tudyrǧandyqtan, esıktıŋ sabyn oryndyqqa arqanmen bailaǧan. Betterın medisinalyq maskalarmen japqan qaskünemder, qariiany qorqytyp, aqşa talap etken. Zeinetker olarǧa barlyq jinaqtaryn – 449 myŋ teŋge berıp qūtylǧan. Polisiia qylmystyŋ yqtimal kuägerlerın anyqtai otyryp, oqiǧa bolǧan jerge jaqyn ornalasqan tūrǧyndar men garaj ielerımen, sondai-aq ötıp bara jatqan adamdarmen söilese jürıp, küdıktılerdıŋ ızıne tüstı.Jedel-ızdestıru ıs-şaralaryn jürgızu barysynda kriminaldyq polisiia qyzmetkerlerı küdıktılerdı – 26 jäne 27 jastaǧy er adamdardy anyqtap, ūstady»,— delıngen habarlamada.Küdıktıler ūrlanǧan aqşanynyŋ bıraz bölıgın jūmsap ülgergen. Osy qylmystyŋ egjei-tegjeiın anyqtaǧannan keiın qylmystyq ıs Qazaqstan Respublikasy Qylmystyq kodeksınıŋ 192-baby (Qaraqşylyq) boiynşa qaita saralandy. Qazırgı uaqytta tergeu amaldary jürgızılıp jatyr. Küdıktıler uaqytşa ūstau izoliatoryna ornalastyryldy.
«Adyrna» ūlttyq portaly
