Búgin Halyqaralyq Túrki akademııasy Túrkistan qalasynda Qoja Ahmet Iasaýı atyndaǵy Halyqaralyq qazaq-túrik ýnıversıtetimen birlesip, «Túrkistan – túrki áleminiń rýhanı astanasy» atty halyqaralyq konferenııa ótkizdi.
Konferenııaǵa qatysýshylar aldymen Ahmet Iasaýı kesenesine arnaıy baryp, taǵzym etti.
Osydan keıin ýnıversıtettiń Mádenıet saraıynda bastalǵan alqaly jıynǵa Halyqaralyq Túrki akademııasynyń prezıdenti Darhan Qydyráli, TÚRKSOI uıymynyń Bas hatshysy Dúısen Qaseıinov, Túrki keńesi Bas hatshysynyń orynbasary Ómer Kojaman, Qoja Ahmet Iasaýı atyndaǵy Halyqaralyq qazaq-túrik ýnıversıtetiniń rektory Janar Temirbekova, Qazaqstan Respýblıkasy Syrtqy ister mınıstrliginiń Erekshe tapsyrmalar jónindegi elshisi Erjan Muqashev, Qazaqstan Respýblıkasy Aqparat jáne qoǵamdyq damý mınıstrligi Din isteri komıtetiniń tóraǵasy Erjan Núkejanov, Túrkııa Respýblıkasynyń Almaty qalasyndaǵy Bas konsýly Alı Rıza Akyndjy, «Bilge Túrik» mádenıet qorynyń basqarma tóraǵasy, eks-gýbernator Gýngór Azım Týna, Túrkistan oblysy ákiminiń orynbasary Sáken Qalqamanov, sonymen qatar zııaly qaýym ókilderi men tanymal ǵalymdar qatysty.
Basqosýdy Túrki akademııasynyń basshysy Darhan Qydyráli quttyqtaý sózben ashyp, júrgizip otyrdy. Ol óz sózinde: «Túrki ıntegraııasynyń arhıtektory, Elbasy Nursultan Nazarbaev strategııalyq turǵydan kıeli Túrkistandy túletýge udaıy nazar aýdaryp keldi. Elbasynyń qoldaýymen boı kótergen jańa astana Nur-Sultan qalasy elimizdiń saıası ortalyǵy bolsa, Elbasynyń dem berýimen jańǵyryp túlegen Túrkistan shahary baýyrlastyqtyń bekem birligine arnalǵan eńseli eskertkish deýge bolady» dep atap ótti. Sonymen qatar, táýelsizdik jyldary Túrkistanda ótken iri tarıhı oqıǵalarǵa toqtalǵan akademııa basshysy: «Taıaýda Memleket basshysy Qasym-Jomart Toqaevtyń tóraǵalyǵymen «Túrkistan – túrki áleminiń rýhanı astanasy» atty Túrki keńesi Sammıti ótti. Samıtte «Túrkistan deklaraııasy» qabyldanyp, Elbasy Nursultan Nazarbaevtyń bastamasymen Túrkistan «Túrki áleminiń rýhanı astanasy» bolyp jarııalandy. Aqyn Maǵjan «Túrkistan er túriktiń besigi, eki dúnıeniń esigi» dep jyrlaǵandaı Túrkistandy rýhanı astana sanaýdyń aıǵaqtary jetkilikti» dedi.
Basqosý aıasynda Qarahan memleketi dáýirinde (H ǵasyr) kóne túrki tiline aýdarylǵan alǵashqy Quran kitabynyń tusaýkeser rásimi jasaldy. Kıeli Kitaptardyń lentasyn TÚRKSOI uıymynyń Bas hatshysy Dúısen Qaseıinov pen «Bilge Túrik» mádenıet qorynyń basqarma tóraǵasy, eks-gýbernator Gýngór Azım Týna qıdy.
Halyqaralyq Túrki akademııasy basyp shyǵarǵan bul biregeı basylym bizdiń zamanymyzǵa jetken Quran aýdarmasynyń eń kóne ári tolyq nusqasy sanalady. Búginde bul qoljazba Ystambul qalasyndaǵy Túrik jáne Islam óneri mýzeıinde saqtaýly tur. Túrkistan topyraǵynda týyp, jetilgen ǵulamalar sýsyndaǵan myńjyldyq mura osylaısha túrkologııa, til dáne din máselelerine qyzyǵýshylyq tanytatyn ǵalymdar men izdenýshilerge qoljetimdi bolyp, tolyq faksımıle nusqasynda tuńǵysh ret jarııalanyp otyr.
Qasıetti kitaptyń jaryq kórýi Túrkistannyń túrki áleminiń rýhanı astanasy atanýymen tuspa-tus keldi.
Keleli keńeske qatysýshylar Elbasy bastamasymen qaıta túlegen Túrkistan jáne onyń túrki álemindegi mańyzy týraly oılaryn ortaǵa salyp, baýyrlas elderdiń birligi jaıynda paıymdy pikirlerimen bólisti.
Jıyn sońynda kóne túrki tilindegi Quran kitabynyń jaryq kórýine atsalysqan «Bilge Túrik» mádenıet qorynyń basqarma tóraǵasy, eks-gýbernator Gýngór Azım Týnaǵa, Ystambul ýnıversıtetiniń professory Emek Úshenmezge jáne L.N. Gýmılev atyndaǵy Eýrazııa ýnıversıtetiniń doktoranty Saıpýlla Mallaqanaǵatulyna Halyqaralyq Túrki akademııasynyń Qurmet gramotalary tabys etildi.
Basqosýdan keıin mártbeli meımandar túgel túrkiniń tóri sanalatyn Túrkistan qalasyndaǵy tarıhı oryndardy aralap, jańadan boı kótergen ǵımarattarmen tanysty.
Halyqaralyq Túrki akademııasynyń
Baspasóz qyzmeti
ITApressa@gmail.com
87051147978 / 87018111107 WhatsApp
