"Ūlytauǧa bardyŋ ba, Ūlar etıŋ jedıŋ be?!" degen el auzyndaǧy sözdı estımegen jan joq şyǧar. Sol tabiǧaty körkem, qazba-bailyqtardyŋ közıne ainalǧan, auasy saf, suy möldır, kielı Ūlytau halqynyŋ tūrǧyndarynyŋ basym köpşılıgı bügınde jaryq pen suǧa zar bolyp otyr. Ūlytau tūrǧyndarynyŋ aituynşa, jaryq pen sudy Ūlytau audanynyŋ kommunaldy şaruaşylyq bölımı jylda sebepsızden sebepsız söndırıp tastaityn körınedı. Odan keiın egıstık suaru bylai tūrsyn, bır jūtym su tappai seŋdeledı eken. Kommunaldy şaruaşylyq bölımınıŋ buhgalterı Däniza Nūrjigitova būl jaǧdaidy Ūlytau audanynyŋ memleketke 271 million bereşegı bar ekendıgımen bailanystyrady. Al «şaǧyn ǧana audan qalaişa sonşa somaǧa qaryzǧa batty?» degen sūraqqa audan basşylyqtary mardymdy jauap bere almauda.Qaraǧandy oblysynyŋ salyq inspeksiiasy men Qazaqstan Respublikasynyŋ Energetika jäne kommunaldy şaruaşylyq basqarmasyna AŞYQ HAT!
Tūrǧyndar jyl saiyn äkımşılıkke su men jaryq mäselesın retteu üşın bölınetın qarjynyŋ qaida jūmsalyp jatqanyŋ tüsınbei dal boluda. Olar kommunaldy şaruaşylyq bölımınıŋ qyzmetkerlerı būl jaǧdaiǧa kınälı emes ekendıgın tılge tiek etıp, «mekeme qyzmetkerlerı jalaqy almai jürgenıne bırneşe aidyŋ jüzı boldy», - deidı.
Qordalanǧan mäsele Ūlytau audanyna är äkım qaralar kelgen saiyn qauzalatyn körınedı. Alaida eş özgerıs bolmaǧan soŋ tūrǧyndar da ümıtın üzgen. «Osy joly jaŋadan taǧaiyndalǧan äkım Sovetbek Medebaev ta su men jaryqty jöndeu mäselesınde qimyldaiyn demeidı», - deidı tūrǧyndar.
Al «kommunaldy şaruaşylyqqa jauapty basşy Hamzat Abudallaevich su men jaryq qaşan qosylady» degen tūrǧyndardyŋ kün saiyn qoiǧan saualyna nemqūrailylyq tanytyp, tolassyz hattarǧa jauap bermei, tıptı tūtqa da kötermeitın körınedı. Tıptı WhatsApp äleumettık jelısınde «KOMHOZ jarnamasy» degen atpen arnaiy aşylǧan toptyŋ bügınde 255 müşesı bar eken. Barlyǧynyŋ derlık kündız-tünı jazyp jatqan mäselesı Qūdaidyŋ qara suy men bır syǧyraiǧan jaryǧy qana (toptaǧy tolassyz hattar legı tömende körsetılgen).
Alaida «Aita-aita Altaidy, Jamal apam qartaidy» degendei Ūlytau audanynyŋ äkımdıgı de, kommunaldy şaruaşylyq bölımınıŋ basşylyǧy da tūrǧyndar üşın tyrnaqtai äreket jasamauda. Qysqasyn aitqanda, aty dardai Ūlytaudyŋ zaty dardai bolmai tūr. Atalǧan mäselenı Qaraǧandy oblysynyŋ salyq inspeksiiasy, Qaraǧandy oblysynyŋ tūrǧyn-üi kommunaldy şaruaşylyq basşylyqtary, Qazaqstan Respublikasynyŋ Energetika jäne kommunaldy şaruaşylyq basqarmasy, QR-nyŋ Qarjy ministrlıgınıŋ salyq komitetı, QR-nyŋ sybailas jemqorlyqpen küres ıs-qimyl agenttıgı nazarǧa alyp, bır şeşımın tauyp beruın ötınıp sūraimyz.
"Ūlytau" audanynyŋ tūrǧyndary,
"Adyrna" ūlttyq portaly
