Rıdderde er adam 89 jastaǵy anasyn eskertý jasaǵany úshin ólgenshe uryp-soqty, dep habarlaıdy «Adyrna» ulttyq portaly Tengrinews.kz saıtyna silteme jasap.
Shyǵys Qazaqstan oblysy Rıdder qalalyq soty 62 jastaǵy er adamǵa qatysty qylmystyq isti qarady, ol mas kúıde qart anasyn qatty urǵany sonsha, áıel qaıtys bolǵan.
«Sotta er adamnyń 2020 jylǵy 30 qarashada saǵat shamamen 19.00-de mas kúıde janjal kezinde anasynyń bet tusyna birneshe soqqy jasaǵany anyqtaldy», - dedi Shyǵys Qazaqstan oblystyq sotynyń baspasóz qyzmetindegiler.
Áıel aýrýhanaǵa kelesi kúni ǵana barǵan. Dárigerler oǵan mı shaıqalýy, qan ketý, ókpeniń jarylýy jáne súıegi syndy degen dıagnoz qoıdy. Úsh kúnnen keıin áıel qaıtys boldy.
«Sotta aıyptalýshy kinásin tolyq moıyndap, ókinetinin aıtty. Oǵan QR QK-nyń 106-baby 3-bóligi boıynsha («Abaısyzda adam ólimine ákep soqqan densaýlyqqa qasaqana aýyr zııan keltirý») aıyp taǵyldy. Sottalýshynyń jasyn, kinásin moıyndaǵanyn, buryn sottalmaǵanyn, taraptar kelisimge kelgenin eskere otyryp alty jylǵa bas bostandyǵynan aıyrý jazasy taǵaıyndaldy», - dep túsindirdi sot.
Aıta keteıik, QR QK 106-baby 3-bóliginiń sankııasy segiz jyldan on eki jylǵa deıingi merzimge bas bostandyǵynan aıyrý túrindegi jazany kózdeıdi.
«Qylmystyq is sotqa prokýror, sottalýshy, jábirlenýshi arasynda jasalǵan kináni moıyndaý týraly mámile nysanyndaǵy proestik kelisimmen tústi. Jábirlenýshi retinde qaza tapqan áıeldiń nemeresi jaýap berdi. Is júrgizý kelisiminiń barlyq sharty oryndalǵan ister boıynsha jaza taǵaıyndaý kezinde sot úshin shekteýler bar. Olar: jaza osy bapta kórsetilgen eń joǵary merzimnen nemese 1\2 mólsherden aspaıdy, bul jaǵdaıda - alty jyldan», - dedi Shyǵys Qazaqstan oblystyq sotynyń baspasóz qyzmeti ókili.
Taraptar sot aktisimen kelisti.
"Adyrna" ulttyq portaly
