23-mamyr kúni Belýras basshysy Aleksandr Lýkashenkonyń tikeleı buıryǵymen halyqaralyq avıaııa tarıhyndaǵy úlken qylmys jasaldy. Ol Afına qalasynan Vılnıýske bet alǵan jolaýshylar ushaǵyn joıǵysh ushaqpen qorqytyp, Mınsk áýejaıyna qonýǵa májbúr etti. Ondaǵy bar maqsaty ushaq ishindegi NEXTA telegram arnasynyń burynǵy qyzmetkeri Roman Protasevıchty tutqyndaý bolatyn. Romanǵa el ishine búlik saldy, separatıstik áreketterge bardy, revolıýııa jasamaq boldy degen aýyr aıyptar taǵylýda. Alaıda Lýkashenkonyń bul áreketi jazasyz qalmady. Bir kúnniń ishinde Eýropa elderi kelesideı sheshimder shyǵaryp úlgerdi:
- EO elderi Belarýs eline bereıin dep otyrǵan 3 mlrd eýro berilmeıtin boldy. 800 mln dollardy Pýtınnen jalynyp surap júretin Lýkashenko úshin bul úlken soqqy.
- EO erteń Belarýstyń avıaııalyq sektoryna, bıznes jáne ekonomıkasyna sankııa salý máselesin talqylaıdy.
- Ýkraına Belarýspen áýe qatynasyn úzdi. Ol Belarýs aspanyn aınalyp ótedi.
- Latvııa barlyq Belarýs dıplomattaryn eline qaıtardy.
- Belnefthım jáne Belarýskalııaǵa qarsy sankııalar daıyndalyp jatyr.
- Ulybrıtanııa "Belavıa" ushaqtarynyń ushyp kirýine tyıym saldy. Shveııanyń SAS avıakompanııasy Belarýs ústimen ushpaıtyn boldy.
Osynyń bári Lýkashenkonyń bir ǵana essiz áreketinen keıin iske asty. Bir adamdy ustaımyn dep eline osynshalyqty soqqy alyp keldi. Al ustalǵan Roman Protasevıch tipti NEXTA arnasynan ketip qalǵanyna biraz ýaqyt bolǵan edi.
"Adyrna" ulttyq portaly
