Almatyda Grýzııanyń eki azamaty birneshe ret zańsyz oıyn bıznesin uıymdastyrǵany úshin sottaldy, dep habarlaıdy "Adyrna" ulttyq portaly.
"Tekserý barysynda kompıýterlik klýbtan tyıym salynǵan kásip túrin uıymdastyrýǵa múmkindik beretin qosymshalary bar ınternet-kazınolarǵa arnalǵan 42 oıyn kompıýterleri anyqtaldy. Atap aıtsaq, stavkalardy qabyldaý, utystardy esepteýge arnalǵan onlaın-qumar oıyndar", delingen Almatydaǵy JSQ habarlamasynda.
Buǵan deıin dál osy meken-jaıda oıyn zalynyń sol adamdar uıymdastyrǵan zańsyz áreketteri toqtatylǵan bolatyn. Sodan keıin 62 oıyn kompıýterleri men 3 oıyn termınaldary tárkilendi.
Grýzııanyń eki azamaty QR Qylmystyq kodeksiniń 307-baby, 3-bóligi, 2-tarmaǵynda kózdelgen qylmysty jasaǵany úshin kináli dep tanyldy (asa iri kólemde tabys ákele otyryp, zańsyz oıyn bıznesin uıymdastyrý) Olarǵa 4,6 jylǵa bas bostandyǵynan aıyrý jazasy taǵaıyndaldy, dep tolyqtyrdy departament.
Sonymen qatar, sot zańsyz oıyn bıznesi úshin úı jaldaǵan úı ıesine qatysty sotqa deıingi tergeý amaldaryn qarastyrýda.
"Adyrna" ulttyq portaly
