Reseı saıasatkeri Vladımır Jırınovskıı Stalınniń soǵys kezinde jibergen qateligin atady. Bul týraly ol "Govorıt Moskva" radıosynda aıtqan suhbatynda jetkizgen. Onyń oıynsha Stalınniń Batys tarapyna júginip, ekinshi frontty ashýyn suraýy úlken qatelik bolǵan.
"Bul Stalınniń qateligi ǵoı. Nege ol ekinshi front ashýdy surady? Ushaqtar, tankter, tamaq jáne kólikter sura. Nege sen olardy ekinshi front ashýǵa asyqtyrdyń. Brıtandyqtar óz araldaryńda, amerıkandyqtar muhıttyń arǵy shetinde otyra bersin. Biz Germanııany tas-talqan etip, La-Manshqa deıin jetip, barlyǵyn basyp alar edik. Barlyǵyn tizerleter edik" , – dedi ol.
Ol sondaı-aq Stalındi "saýatsyz basshy" dep atady. Buǵan deıin ol Germanııany 1917 jyly Reseıde revolıýııa bolmaǵanda tolyq joıyp jiberer edik degen edi.
"Adyrna" ulttyq portaly
