Reseılik telejúrgizýshi Vladımır Pozner Reseıdiń basty problemasy – bıliktegi eskishe oılaıtyn eski adamdar ekenin aıtty. Poznerdiń osy aıtqandaryn orys aqparaty jarysa jazyp jatyr eken.
Reseıde «Jańa bilim» atty marafon ótken. Oǵan qatysýshylarmen pikir almasqan telejúrgizýshi Vladımır Pozner: «Bizdiń memleketimizdi áli kúnge deıin sol aamdardyń basqaryp otyrǵany – ózekti hám qaýipti problema dep esepteımin», - depti.
Onyń aıtýynsha, ondaı adamdardy endi qańqasy kúırep, aty-zatymen joq bolǵan Sovet bıligi tárbıelep shyǵarǵan.
«Olar qazir jańa qoǵamǵa tap keldi. Endeshe jańa qoǵamdy eskishe oılaıtyn, eski sanadaǵy adamdar basqarmaýy kerek», - depti Pozner.
Ol sondaı-aq, Reseı keleshekte ashyq, lıberaldy hám demokratııalyq eleg aınala atalynyn aıtqan. Ol úshin el bıliginen «Sovettik mektepten ótkender» tolyq ketýi kerek. Pozner óz sózinde aldaǵy 10 jyldyń ishinde memlekettik bılikti basqarýshy quramnyń aıtarlyqtaı ózgergenin qalaıtynyn jetkizipti.
Esterińizge sala keteıik, Vladımır Pozner osyǵan deıin 2019 jyly da Reseı bıligin «KSRO mektebinen shyqqandar» bılep-tóstep otyrǵanyn aıtqan. Ol Reseı qoǵamyn Sovettik mentalıtetpen basqarý – jetistikke jetkizbeıtinin málimdegen.
Nurgeldi ÁBDIǴANIULY
