Qazaq balasyn qutqarǵan túrkııalyq dáriger marapattaldy

2393
Adyrna.kz Telegram

Ómir men ólim ústindegi bala janyn ajaldan arashalap qalǵan túrkııalyq dáriger marapattaldy, dep habarlaıdy azattyq-ruhy.kz "Habar 24"-ke silteme jasap.

Osydan birneshe aı buryn Bishkekten Ystambulǵa ushyp kele jatqan qazaqstandyq náresteniń júregi syr berip, toqtap qalady. Muny estigen borttaǵy túrik depýtaty ári dáriger Rejep Sheker jasandy tynys aldyryp, júregine massaj jasap, sábıdi aman alyp qalady.

Oqıǵamen tanys bolǵan Memleket basshysy Qasym-Jomart Toqaev Rejep Shekerge «Erekshe batyldyǵy úshin» alǵys hatyn jóneltti.

Prezıdenttiń marapatyn Qazaqstannyń Túrkııadaǵy tótenshe jáne ókiletti elshisi Abzal Saparbekuly túrik parlamentinde tabystap, júrekjardy alǵysyn bildirdi. Saltanatty sharaǵa Túrkııa Uly ulttyq Májilisiniń depýtattary men qyzmetkerleri qatysty.

Óz kezeginde Rejep Sheker «Árbir oqıǵanyń ózindik máni bar» dep, aldaǵy ýaqytta eki el arasyndaǵy yntymaqtastyqty arttyrý úshin bar kúsh-jigerin jumsaıtynyn jetkizdi.

«Oqıǵanyń bolǵany ókinishti. Degenmen, nátıjesi jaqsy. Nárestelerdiń otbasymen habarlasyp turamyz. Tipti birneshe kún buryn beıne joldapty. Salmaq qosypty. Aman bolsyn. Eki eldiń baýyrlastyq jáne dostyq qatynasyna sebepshi boldy. Iltıpat bildirgen Prezıdent Qasym- Jomart Toqaevqa alǵysymdy bildirip, birer kún buryn ótken týǵan kúnimen quttyqtaımyn», - dedi depýtat, dáriger Rejep Sheker.

Pikirler