Kókshetaýda UQK departamentiniń qyzmetkerleri Aqmola oblysy boıynsha zańsyz atys qarýy men qoldan jasalǵan jarylǵysh qurylǵylardy óndirýmen jáne satýmen aınalysqan qylmystyq topty tutqyndady, dep habarlaıdy "Adyrna" ulttyq portaly Ulttyq qaýipsizdik komıtetiniń baspasóz qyzmetine silteme jasap.
«Toptyń úsh múshesi taǵy bir qarý-jaraq pen jarylǵysh qurylǵylar partııasyn satpaq bolǵan kezde ustaldy. Jer asty sheberhanasy ustalǵandardyń biriniń jeke úıinde bolǵan», - dep habarlady UQK.
Nátıjesinde jeti jaýyngerlik tapansha, 96 qoldan jasalǵan jarylǵysh qurylǵy, 80 patron, sondaı-aq qarýdy ózgertýge jáne óndirýge arnalǵan quraldar tárkilendi.
Jedel tergeý sharalary júrgizilýde.
«Mamyr aıynda Qazan qalasynda (Reseı) bolǵan qaıǵyly oqıǵa zııankesterdiń qolyndaǵy qarý-jaraq aýyr zardaptarǵa soqtyratynyn kórsetti.
Osyǵan baılanysty, zańsyz qarý aınalymyna qarsy kúres arnaıy jáne quqyq qorǵaý organdarynyń basym mindetteriniń biri bolyp tabylady », - dep tolyqtyrdy UQK.
"Adyrna" ulttyq portaly
