Áleýmettik jelide Aqmola oblysy Jarqaıyń aýdanynyń ortalyǵy Derjavınsk qalasynyń "Kenesary" bolyp aýysqany jaıly aıtyla bastady, dep habarlaıdy "Adyrna" ulttyq portaly.
Derjavınsk - Aqmola oblysy Jarqaıyń aýdanynyń ortalyǵy, Arqa óńirindegi iri qalalardyń biri. Esil ózeniniń ańǵarynda qymtanyp jatqan qalanyń tarıhy tereń. Irgesi 1956 jyly qalanǵany aıtylady.
Sońǵy jyldary áleýmettik jeli qoldanýshylary, qoǵamdyq-caıası belsendiler men qazaq tildi orta Qazaqstandaǵy jer-cý ataýlaryn qazaqshalaýdy oqtyn-oqtyn másele retinde bıliktiń aldyna qoıady. Áleýmettik jelide Derjavınsk qalasynyń ataýy "Kenesary" bolyp ózgertilgeni aıtyla bastady. Bul aqparatqa qatysty taraǵan vıdeoda qala turǵyndarynyń pikir bildirip, daýysqa salǵanyn baıqaýǵa bolady.
Aqparatqa qatysty áleýmettik jeli qoldanýshysy, qoǵamdyq pikir jetekshisi Býrahan Daqanov bylaı deıdi:
- Derjavınsk degen Aqmola oblysyndaǵy qalany Kenesary dep ózgertken erler netken baqytty. Rıza bolyp otyrmyn. Bárimizge juǵysty bolsyn. Estýim boıynsha zalda otyrǵan birshama ózge ult ókilderi de qalanyń aty Kenesary bolsyn dep daýys beripti. Bul sol jerdegi ıdealogııa bóliminiń jaqsy jumys jasaǵany, jergilikti jigitterdiń qaısarlyǵy dep bilem. Jaraısyńdar Kenesary qalasynyń turǵyndary, - dep jazdy avtor.
Taǵy bir áleýmettik jeli qoldanýshysy Toıǵan Joldasqyzy:
- Aqmola oblysyndaǵy Derjavınsk qalasy Kenesary han bolyp ózgertildi. Qutty bolsyn, Qazaq eli, - dep súıinshiledi.
Oraıy kelgende aıta keteıik, Derjavınsk qalasynyń ataýyn qaıta ataý týraly jıynda 325 adam tirkelgen. Onyń 321-i daýys bergen. Atap aıtqanda, qalaǵa qazaqy ataýdyń berilýin 192 turǵyn quptaǵan. 125 turǵyn qarsy shyqqan.
"Adyrna" ulttyq portaly
