Aqmolalyq áıel qaıyn aǵasyn pyshaqtaǵan

2910
Adyrna.kz Telegram

Aqmolada qaıyn aǵasyna pyshaq jaraqatyn salǵan áıel ustaldy, dep habarlaıdy «Adyrna» tilshisi Polisia.kz-ke silteme jasap.

«2021 jylǵy 13 mamyrda saǵat 17:12-de Arshaly aýdanynyń PB kezekshi bólimine feldsherden Jibek Joly aýylynda pyshaq jaraqaty keltirilgeni týraly telefon habarlamasy kelip tústi. 46 jastaǵy er adam Nur-Sultan qalasynyń aýrýhanasyna “toq ishektiń pyshaq jaraqaty” dıagnozymen jetkizildi. Oqıǵa ornyna kelgen tártip saqshylary zardap shekken adamnyń múgedek ekenin, “aqyl-oı kemistigi” dıagnozymen esepte turǵanyn anyqtady»,—delingen habarlamada.

Mán-jaılardy anyqtaý barysynda zardap shekken adamǵa aǵasynyń 24 jastaǵy áıeli dene jaraqatyn salǵany belgili boldy. Áıel óz kinásin moıyndady, bári janjal kezinde bolǵanyn aıtty.

Atalǵan fakti boıynsha polıeıler QR QK 106-baby (Densaýlyqqa qasaqana aýyr zııan keltirý) boıynsha sotqa deıingi is júrgizýdi bastady.

«Adyrna» ulttyq portaly

Pikirler