Būl Qostanai oblysy PD esırtkı qylmysyna qarsy ıs-qimyl basqarmasynyŋ qyzmetkerlerı erıktılermen bırlesıp, altynşy auqymdy aksiiany ötkızdı.
Oǧan osy mäselege bei-jai qaramaityn jäne salauatty ömır saltyn nasihattaityn 15-ten astam jas qatysty.
- Qostanai politehnikalyq kolledjınde bır top jıgıt belsendı jūmys ısteidı jäne polisiiaǧa esırtkıge bailanysty qūqyq būzuşylyqtardyŋ aldyn alu jūmystaryna kömektesedı. Bız osyndai aksiialarǧa qatysamyz. Menıŋ oiymşa, būl mäselenıŋ qoǧam üşın maŋyzdylyǧyn körsetedı", - deidı student Aleksandr Elizarov.Esırtkımen ainalysatyndar ony satudyŋ jaŋa täsılderın oilap tauyp jatyr. Olardyŋ arasynda esırtkı satyp alu ädısın jarnamalaityn jazular bar.
- Jyl basynan berı polisiia qyzmetkerlerı QR QK-nıŋ 299-ı-baby "Esırtkı qūraldaryn, psihotroptyq zattardy, prekursorlardy jäne olardyŋ analogtaryn nasihattau, zaŋsyz jarnamalau" boiynşa ekı faktını anyqtady. Eŋ joǧarǧy jaza – 6 jylǧa deiın bas bostandyǧynan aiyru. Qazırgı uaqytta būl ıs boiynşa ekı aiyptaluşy tergeude. Olar Qostanai qalasynda esırtkı jarnamasy üşın ūstaldy. Jastar tūrǧyn üilerdıŋ qabyrǧalaryna jazular jazǧan, - dedı esırtkı qylmysyna qarsy ıs-qimyl basqarmasynyŋ qyzmetkerı, polisiia maiory Aigül Eradılova.Aksiia aiasynda 70-ten astam jazba boialdy. Būl jūmys tūraqty negızde jürgızıledı.
Ūqsas jaŋalyqtar
