Aqtóbe oblysyndaǵy oblystyq mańyzy bar «Aqtóbe-Bolgarka-Shubarqudyq» tas jolynyń 29 shaqyrymynda Aqsaı aýylynyń mańynda jol-kólik oqıǵasy boldy. Shetel azamaty basqarǵan júk kóliginiń dóńgelegi jarylyp, kıývetke qaraı aýdarylǵan. Kólik júrgizýshisi Ekrem Alptekın Túrkııadan Qyrǵyzstanǵa dári-dármek tasymaldaý úshin jolǵa shyqqan. Júrgizýshi rýldi ıgere almaı, aýyr júk kóligi shuńqyrǵa qaraı aýdarylǵan, dep habarlaıdy Aqtóbe oblysy polıııa departamentiniń baspasóz qyzmeti.
Dál osyndaı júk kóligi ıaǵnı, Ekrem Alptekınniń seriktesi odan buryn Qyrǵyzstanǵa ketken. Al Ekrem seriktesiniń keri qaıtýyn kútip dalada qalǵan. Seriktesin kútken túrik azamatyna Temir aýdany Aqsaı aýylynyń ýchaskelik polıııa ınspektory, polıııa aǵa leıtenanty Abylaı Tájın kómek kórsetken. Júrgizýshige qajettiniń bárin — sý, tamaq alyp bergen. Túski asqa úıine aparyp, túnde demalatyn orynmen qamtamasyz etken.
Oqıǵa ornyna Temir aýdany polıııa bóliminiń bastyǵy, polıııa polkovnıgi Nusqabek Zaýlanbaev baryp, jaǵdaılaryn surap, jeke óziniń qadaǵalaýyna aldy.
14 kúnnen keıin ekinshi júk kóligindegi seriktesi taýarlardy tapsyryp, Bishkekten oraldy. Júrgizýshiler taýarǵa tapsyrys berýshiniń qatysýymen dári-dármekterdi basqa kólikke tıep, Bishkekke jiberdi.
Osydan keıin ýchaskelik polıııa qyzmetkeri krandy bekitip, júk kóligin kıývetten alyp shyǵýǵa kómektesti. Avtokólikti birden sol ýaqytta kóterý múmkin bolmapty, óıtkeni tapsyrys berýshi taýardy qabyldamaıtyn edi.
Ekrem Alptekın Túrkııaǵa ketti, ýchaskelik polıııa ınspektory A.Tájınge óziniń alǵysyn bildirip, beınejazba joldaǵan.
«Aqtóbelik polıeılerge alǵysymyz sheksiz. Biz olardyń kómegin eshqashan umytpaımyz. Ásirese Abylaıǵa kórsetken kómegi úshin rızamyz», — depti beınejazbasynda Ekrem Alptekın.
"Adyrna" ulttyq portaly
