AQSh-tyń Ogaıo shtatynyń bıligi koronavırýsqa qarsy vakına saldyrǵan azamattar arasynda lotereıa ótkizbek, dep habarlaıdy RIA Novostı.
Gýbernator Maık Deýaınnyń aıtýynsha, jeńimpaz atanǵan bes adamnyń árqaısysyna bir mıllıon dollar tabystalady.
«Eki aptadan keıin 26 mamyrda biz eresekterge arnalǵan lotereıanyń jeńimpazyn jarııalaımyz. Oǵan vakınanyń bir dozasyn alyp, qatysa berýge bolady. Jeńimpazdyń esimin sársenbi saıyn bes apta boıy jarııalap turady. Osylaısha, ár sársenbide jeńimpazǵa bir mıllıon dollar tabystalady», – dedi M.Deýaın.
Onyń aıtýynsha, utysqa qarjy federaldyq qordan alynady. Al bul qor COVID-19-ǵa baılanysty qurylǵan bolatyn.
Aıta keteıik, pandemııa bastalǵaly beri AQSh-ta 33 mıllıonǵa jýyq adam koronavırýs ınfekııasyn juqtyrǵan. Olardyń ishinde 590 myń naýqas qaıtys bolǵan.
Jýyrda osy elde vakına saldyrǵan azamattardyń sany 100 mıllıonnan asty.
AQSh Prezıdenti Djo Baıden bıylǵy jyldyń 4 shildesine deıin vakınanyń birinshi dozasyn eresek adamdardyń 70 paıyzyna salý josparlanyp otyrǵanyn málimdegen bolatyn.
"Adyrna" ulttyq portaly
