Atyraýda qazaq-malaı birlesken kásiporyny quryldy

190

Malaızııalyq Elektro Serve (M) Sdn Bhd kompanııasy men qazaqstandyq Alshin-West JShS kompanııasy Atyraý qalasynda Alshin Elektro Serve birlesken kásipornyn qurý týraly kelisimge qol qoıdy.

Is-sharaǵa qatysqan Atyraý oblystyq kásipkerlik jáne ındýstrııalyq-ınnovaıalyq damý basqarmasy basshysynyń mindetin atqarýshy Qanysh Mámbetov jergilikti bılik óńirdiń damýy men jergilikti azamattarǵa jumys ornyn beretin ınvestıııalyq jobalardy kóptep iske qosý úshin aýqymdy jumystar júrgizip jatqanyn atap ótti.

Al Nur-Sultan qalasynan arnaıy kelgen Qazaqstandaǵy Malaızııa memleketiniń elshisi Saıd Abdý Rahman bastamaǵa sáttilik tilep, ortaq jobalar jalǵasyn tabady degen senimin bildirdi.

Eki eldiń ortaq joba qurýynyń bastaýy “Kazakh Invest” UK” AQ basshylyǵynyń 2019 jyly Malaızııaǵa jasaǵan saparynan bastalady. 

Birlesken kásiporyn joǵary voltty qozǵaltqyshtarǵa, generatorlarǵa, kompressorlarǵa, sorǵylar men týrbomashınalarǵa tehnıkalyq qyzmet kórsetedi, sondaı-aq jóndeıdi.

Elektro Serve (M) Sdn Bhd jyly elektr jabdyqtaryn, mehanıka men aspaptardy jobalaý jáne óndirý boıynsha mamandandyrylǵan kompanııa retinde 1990 jyldary qurylǵan. Qazirgi kezde joǵary voltty jabdyqtarǵa (motorlar, generatorlar) tehnıkalyq qyzmet kórsetý jáne jóndeý boıynsha Malaızııadaǵy nómiri birinshi kompanııa sanalady. Tómen jáne joǵary kerneýli generatorlarǵa qyzmet kórsetedi, dıagnostıka jasaıdy, jóndeýden ótkizedi jáne qaıta oraıdy. 

Elektro Serve (M) Sdn Bhd-nyń Jeumont Electric, Indar sondaı-aq Schneider Electric sekildi birneshe tanymal halyqaralyq túpnusqalyq jabdyq óndirýshilerimen birlesken kásiporyndary da bar.

Qazaqstan jaǵynan seriktes bolyp otyrǵan “Alshin-West” JShS óz kezeginde qajetti ınfraqurylymmen, óndiristik bazalar, jabdyqtar jáne jergilikti kadrlarmen qamtamasyz etedi. 2016 jyldan beri tómen voltty elektr quraldaryn jóndeý salasynda jumys istep kele jatqan otandyq kompanııa ortaq kásiporyn arqyly servıstik qyzmet kórsetýde eýropalyq standarqa saı jańa deńgeıge shyǵady. “Alshin-West” JShS basshysy Orazkeldi Satambaqynyń aıtýynsha, buǵan deıin óńirimizdiń iri munaı-gaz kompanııalary  qural-jabdyqtaryn Eýropaǵa aparyp jóndetip júrgen. Budan bylaı Eýropaǵa da  tanymal malaı kompanııasymen birlese otyryp atalǵan kompanııalarǵa Atyraýdyń ózinde-aq sapaly qyzmet kórsetýdi josparlap otyr. 

Al Elektro Serve (M) Sdn Bhd bolsa, jergilikti mamandardy oqytý úshin eń jańa jabdyqtar, tehnologııalar, standarttar, proedýralar jáne bilikti ınjenerlermen qamtamasyz etedi. Atalǵan kompanııanyń bas tehnıkalyq dırektory  Kırk Jan Belıannyń aıtýynsha, aldaǵy ýaqytta Reseı naryǵyna kirý de josparlanǵan.

Basty maqsatymyz — sapaly servıs dástúrin qalyptastyrý. Bastapqyda munaı salasyndaǵy iri kásiporyndarǵa qyzmet kóretemiz. Bolashaqta  motor jáne generatorlar men batyrylatyn sorǵylardy shyǵarýdy da oılastyryp otyrmyz. Birlesken kásiporyndy Qazaqstannyń Atyraý qalasynan bastaýmyzdyń da ózindik máni bar. Bizdiń qyzmet kórsetýimizge laıyqty iri munaı kompanııalary osynda kóp. Aldaǵy jyldary Reseı naryǵyna kirý de josparda bar,-deıdi.

Qazir 4 jergilikti maman arnaıy oqýdan ótip, jumysqa kirisken. Jyl sońyna deıin olardyń sanyn 20 adamǵa jetkizý josparlanyp otyr.

Pikirler
Redakııa tańdaýy