10-14 sáýirde "Atyraý" sport kesheninde 2007-2008 jyly týǵan kishi jasóspirimder arasynda bokstan Qazaqstan Respýblıkasynyń chempıonaty máresine jetti.
Tórt kún boıy 250-ge jýyq bylǵary qolǵap sheberleri ózara myqtyny anyqtady. Karantındik shekteýlerge baılanysty sporttyq shara kórermensiz ótti.
Nátıjesinde, Atyraý oblysynyń boksshylary 1 altyn, 2 kúmis jáne 3 qola júldege ıe boldy.
66 kelide Alpysbaev Jandos altyn júlde jáne jarystyń “eń úzdik boksshysy” ataǵyna ıe boldy. 42 kelide Ahmet Dáýletkereı men 60 kelide Qabdrahım Mansýr aqtyq synǵa deıin jetip, kúmis júldeger atandy. 46 kelide Sergeı Nurasyl, 48 kelide Marat Anýarbek jáne 52 kelide Djarbýlov Artýr qola medal enshiledi.
Bizdiń basty maqsat – jasóspirimder sportyn damytý arqyly rezerv qalyptastyrý. Osyǵan oraı el chempıonatyn Atyraý oblysynda uıymdastyrýdy jón kórdik. Búgingi jarysta júldegerler qatarynan kóringen sportshylarymyz alda talaı bıikterdi baǵyndyrady dep senemin, – dedi basqarma basshysy Rınat Ibragımov.
Aıta keteıik, mamyr aıynda Qazaqstan Respýblıkasynyń jastar oıyndary aıasynda boks básekeleri Atyraý qalasynda ótedi.
