Túrikmenstandaǵy túrmelerde naǵyz ashtyq bastaldy. Turkmen.news aqparat kózderiniń habarlaýynsha, tutqyndar tamaq jetispeýshiliginen jáne túrli aýrýlardan ólip jatyr, dep habarlaıdy «Adyrna» ulttyq portaly.
«Kolonııalardaǵy dúkender bos, al ashanalardaǵy tamaq ylǵı jetkiliksiz boldy. Ulym tamaq pen medıınalyq kómektiń joqtyǵyn aıtty. Adamdar ólip jatyr. Aqsha jibereıin degenimde ol dúkende eshteńe joq, «ol aqshaǵa ne satyp alamyn?» dep jaýap berdi», - dedi tutqynnyń anasy.
Gazet atap ótkendeı, Seıdı qalasyndaǵy Lebap velaıatynyń LB-K/11 jáne LB-K/12 kolonııalarynda birneshe kún boıy nan bolmaıdy.
Tutqyndarǵa tamaqty týystary ákelip bere alady. Biraq 2020 jyldyń naýryz aıynan bastap COVID-19 epıdemııasyna baılanysty olarǵa tamaq ákelýge de tyıym salyndy. 2021 jyldyń sáýirinen bastap tutqyndardyń týystaryna aıyptalýshylarǵa tamaq ákelýge ruqsat berildi. Alaıda aımaqtar arasyndaǵy qozǵalys áli tolyq ashylmaǵandyqtan, olardyń kolonııalarǵa jetýi qıyn bolyp jatyr.
Naýryz aıynyń sońynda LB-K/12 kolonııasynda esirtki satýmen aınalysqan Túrkııa azamaty Ozgýr Kýchchýkaı qaıtys boldy. Onyń denesi otanyna «Túrkmen áýe joldarynyń» charterlik reısimen jetkizildi. Resmı málimetterge sáıkes ol qaterli isiktiń saldarynan ómirden ótti. Alaıda tutqynnyń týystary munymen kelispeıdi. Olardyń aıtýynsha, Kýchchýkaı týberkýlezdiń asqynǵan túrimen aýyrǵan jáne tıisti em almaǵan. Týystary tergeýdi talap etip, Túrkimenstandaǵy Túrkııa elshiligimen baılanysqa shyqty.
Sonymen qatar 2020 jyldyń qarashasynda Baıramalı qalasy, MR-K/16 kolonııasyndaǵy tutqyndarǵa kúzetshilerdiń tamaq satqany belgili boldy. Buryn aıyptalýshylar kúzetshilerden tyıym salynǵan zattardy ǵana satyp alatyn (mysaly alkogol).
Aıta keteıik, COVID-19 epıdemııasy Túrkimenstandaǵy ekonomıkalyq jáne azyq-túlik daǵdarysyn kúsheıtti. Úkimet belgilegen baǵalar da ósip jatyr. Degenmen olar áli kúnge deıin naryqtyq baǵadan edáýir tómen. Alaıda sonyń ózi adamdardy saǵattap kezekke turýǵa májbúr etedi.
"Adyrna" ulttyq portaly
