Myŋnan astam muzykant «Evrovidenie-2026» baiqauyna İzrail qatysqan jaǧdaida boikot jariialaityndaryn aityp, aşyq hatqa qol qoidy. Būl turaly Defli jazdy, dep habarlaidy «Adyrna» tılşısı.
Qol qoiuşylar qatarynda Paloma Feit, Pol Ueller, Massive Attack, Kneecap, sondai-aq Braian İno, Piter Gebriel jäne Maklmor bar.
Nauqandy «No Music For Genocide» (NMFG) bastamaşyl toby üilestırude. Olar Europalyq habar taratu odaǧyn (EBU) İzraildı konkursqa qatystyru turaly şeşımdı qaita qarauǧa şaqyryp otyr.
Gaza sektoryndaǧy qaqtyǧysqa qatysty daularǧa qaramastan, EBU 2025 jyldyŋ küzınde İzraildıŋ 2026 jylǧy baiqauǧa qatysatynyn rastaǧan. Būǧan jauap retınde İspaniia, Niderland, Sloveniia, İrlandiia jäne İslandiia siiaqty bırneşe el 2026 jylǧy konkursqa qatysudan bas tartatynyn mälımdegen.
Hat avtorlary EBU şeşımın 2022 jyly Reseidıŋ baiqaudan şettetıluımen salystyryp, «qos standart» dep baǧalaidy. Olardyŋ pıkırınşe, İzraildıŋ qatysuy Gaza sektoryndaǧy jaǧdaidy «qalypty etıp körsetuge» äkeledı.
Ūiymdastyruşylar būl jaǧdaidy «mädeni imidjdı aqtau» dep atap, ärtıster men habar taratuşylardy EBU pozisiiasy özgergenge deiın baiqauǧa qatysudan jäne transliasiiadan tolyq bas tartuǧa şaqyrady.
