Qaraǵandy oblysynda sý tasqyny kezinde iz-túzsiz joǵalǵan Nurlan Súleımenovtiń denesi bir aı degende áreń tabyldy. Eks-depýtattyń óli denesi ózen túbindegi shilikterge shyrmalyp qalǵan, dep habarlaıdy «Adyrna» ulttyq portaly.
Sharýa qojalyǵynyń ıesi joǵalǵannan eki kúnnen keıin onyń kóligi Nura ózeniń Tassýat aýyly mańyndaǵy ótkel tusynan tabyldy. Qyzyl sý joldan asqanda Súleımenov tizindegen kólik kópirden taıyp ketýi múmkin degen boljam bolǵan. Biraq onyń ózi tabylmaı, el jurt qastandyq jasalýy múmkin dep san-saqqa júgirtti. Al týystary marqum kepilde otyr dep sońyna deıin úmit úzbegen. Degenmen kóliktiń kópirden aýyp ketkenin kórgender tabylypty. Sondyqtan izdeý jumystary toqtatylmaı, ózen arnasynyń 170 shaqyrym jeri tekserilgen. Alaıda 62 jastaǵy kásipkerdiń denesi kólik qulaǵan jerden nebári tórt shaqyrym jerden sý deńgeıi tómendegende ǵana kórinip otyr.
«Dene aǵystyń qattylyǵynan qarqynmen kelip, qalyń shilikke qystyrylyp qalǵan. Sý deńgeıi joǵary kezde shiliktiń arasynan kórinbegen. Sý túbinde osyndaı tal shilikterdiń kóptigi izdeýdi qıyndatty. Sý shamamen 70 santımerge deıin túskende ǵana kórindi. Shalqasynan jatyr, denesinde zaqym belgisi joq», - deıdi qutqarýshy Aleksandr Vıý KTK arnasynyń materıalynda.
"Adyrna" ulttyq portaly
