Gruziiada belgısız sebepterge bailanysty 26 jastaǧy qazaqstandyq qaza tapty. Aqparatty Syrtqy ıster ministrlıgı men Gruziianyŋ Işkı ıster ministrlıgı rastaǧan. Būl turaly Habar 24 aitty, dep habarlaidy «Adyrna» ūlttyq portaly.
Marqūmnyŋ esımı – Äsel Aitpaeva. Onyŋ nemere sıŋlısı qyzdyŋ ajal qūşar aldynda qūrbysyna audiojazba jıberıp ülgergenın aitty. Onda belgısız er adamnyŋ qoqan-loqqy körsetken dauysy jazylyp qalǧan. Sıŋlısınıŋ aituynşa, Äsel Aitpaeva Gruziiaǧa tuysqanynyŋ şaqyruy boiynşa uaqytşa tabys tabuǧa ketken eken. Bırneşe kün būryn bailanysqa şyqpai qalǧan. Soŋǧy audiojazba 5 mamyrda kelgen.
«Basynda eşqandai kümän men küdık bolmady. Öitkenı şaqyrǧan adam tuysqanymyz. Ekınşıden ol jaqtaǧylar orys tılın jetık bıletın mamannyŋ bolmauyna bailanysty jūmysy jürmei jatqanyn aitty. Al qazaqstandyq azamattar Gruziiaǧa kölık satyp alu üşın jiı barady eken. «Gruziiada orys tılınde söileitın adamdar az, satylym boiynşa keŋes beretın konsultant qyz kerek» dedı.
Asyǧys şeşım qabyldaǧanymyz da sondyqtan. Tbilisiden 20 şaqyrym qaşyqtyqta jatqan jerge barǧan. Audiojazbada gruziialyq azamat qyzdy qalai qorqytyp, ūrǧany turaly aitqan. Menıŋ tüsınuımşe, äpkem qorlyqqa şydamaǧan siiaqty. Naqty bılmedım. Mümkın ol gruziialyq azamat kömektesken bolar. Kımnıŋ kımge ses körsetkenın döp basyp aita almaimyn», – deidı marqūmnyŋ sıŋlısı Aina Aitpaeva.
"Adyrna" ūlttyq portaly
