Qazaqstan men Qytai Qorǧas özenınde bırlesken Dostyq su elektr keşenınde su qoimasyn saludy josparlap otyr, dep habarlaidy «Adyrna» ūlttyq portaly Ekologiia ministrlıgınıŋ baspasöz qyzmetıne sılteme jasap.
Būl su qoimany salu üşın jobalyq-smetalyq qūjattama daiyndaldy. Būl şeşımdı su resurstary komitetınıŋ «Kazvodhoz» RMK bas direktory Altai Eljasov aimaqqa jūmys sapary barysynda qabyldady.
Dostyq su elektr keşenı Qytaimen şekarada, Qorǧas transşekaralyq özenınde ornalasqan. Keşen 2013 jyly qoldanysqa berıldı. Onyŋ aumaǧy 14,5 myŋ gektardy qūraidy. Al qūrylymnyŋ syiymdylyǧy - 456,0 m3/s.
Ükımettıŋ aituynşa, keiıngı üş jylda körşı memleketten azdaǧan aǧyn su kelıp, klimattyq auytqu bolǧan. Atalmyş mäselenı şeşudıŋ jalǧyz joly – Qorǧas özenıne su qoimasyn salu bolyp otyr.
«Bızdıŋ audandaǧy basty mäselelerdıŋ bırı – suarmaly sudyŋ jetıspeuşılıgı. Būl ekologiialyq jaǧdaimen tıkelei bailanysty. Şyndyǧynda taularda mūzdyqtardyŋ azaiuy baiqalady. Al būl sudyŋ az mölşerde keluıne äkeledı. Ekı el de osy özen suymen bırdei bölısedı. Alaida jetkızıletın su özen arnasy boiymen ötetındıkten, su qoimasyn salu arqyly mäselenı tübegeilı şeşuge bolady», – dedı «Kazvodhoz» Almaty filialynyŋ Panfilov öndırıstık uchaskesınıŋ bastyǧy Tūrysbek Nūrahmetov.Jergılıktı äkımdık atalmyş jobany ükımet pen Ekologiia, geologiia jäne tabiǧi resurstar ministrlıgınıŋ qarauyna jıberedı dep kütıp otyr. Al Qazaqstan ükımetı Qytaimen sudy bölu turaly kelıssözder jürgızudı bastap kettı.
"Adyrna" ūlttyq portaly
Ūqsas jaŋalyqtar
