«100 jańa esimi» jastarǵa jańa kókjıekter ashady – shahter Danıel Dıl

2197
Adyrna.kz Telegram

«Qazaqstannyń 100 jańa esimi» jobasynyń jeńimpazy Danıel Dıl jobanyń jastar úshin jańa shekaralar men kókjıekter ashatynyna senimdi, dep habarlaıdy «Adyrna» ulttyq portaly QazAqparatqa silteme jasap.

Shahterlik pen sportty biriktirgen jigit jýyqta ǵana Bolgarııada sporttyq akrobatıkadan ótken álem kýbogynda 3-orynǵa ıe boldy.

Danıel Dıl Kostenko atyndaǵy shahtada jerasty taý-ken jumysshysy bolyp jumys isteıdi. Anasy da osy salada eńbektenip júr.

«Shahtadaǵy jumys pen sportty biriktirý ońaı emes. Biraq birtindep bul ómir saltyna aınalady. Anam da shahtada jumys isteıdi. Shahtanyń aýyr jumysy meniń hobbıime kedergi bolǵan joq. Kerisinshe, shyńdaı tústi» - dedi Danıel Dıl.

Birneshe kún buryn sportshy Bolgarııadaǵy jarystan oralǵan eken. Sporttyq akrobatıkadan ótken álem kýbogynyń kezeńinde 3-oryn alǵan.

«Sport federaııasy «100 jańa esim» jobasyna qatysýǵa meniń kandıdatýramdy usyndy. Ár jumystyń qıyndyǵy bar. Al sport minezimdi shyńdady. Men úshin «Qazaqstannyń 100 jańa esimi» bedeldi jobasynyń fınalıster qataryna kirý – kútpegen jaǵdaı boldy. Qalaı bolǵanda da, joba jastar úshin jańa kókjıekter ashady», - dedi sportshy shahter.

Pikirler