Qazaq elı özınıŋ tūǧyryn qalaǧan kezden bastap, türlı qily zamandardy bastan keşırdı, qazaq degen azat elge bıreuge täueldı boluy qiynǧa soqsa da, azattyqtyŋ sätın kütudı toqtatqan emes.
Kerei men Jänıbek handarymyz bızdıŋ halqymyzdy Özbek handyǧynan jau bolyp, qan tögu üşın emes, azat el bolu üşın keregemızdı bölıp bölek şyǧardy. Alaida qily zaman myqty adamdardy, myqty adamdar beibıt zamandy qūrsa, beibıt zaman älsız adamdardy tuyp, älsız adamdar qily zamandy tudyratyny bärımızge mälım. Qazaq elı Özbek handyǧynan körgen ozbyrlyqqa şydamai, beibıt zaman qūryp, azat el boluǧa ūmtyldy jäne sondai eldıŋ negızın qalap, tuyn tıgıp kettı. Ärine, zaman ötken saiyn qily da, beibıt te zamandar boldy. Osyndai zamandardyŋ bırı – Joŋǧar şapqynşylyǧy edı. Azattyqty saqtap qaluǧa tyrysqan Äbılqaiyr Reseimen qarym-qatynas qūrdy. Alaida būl kelısım qazaqtyŋ yǧy-jyǧysyn şyǧaryp, naǧyz ozbyrlyqqa salatynyn eşkım bılmedı. Qanşama batyrlar qoi üstınde boztorǧai jūmyrtqalaǧan zamandy köru üşın jandaryn qidy. Keşegı Abylaidyŋ nemeresı, soŋǧy hanymyz Kenesary da öz ǧūmyryn azattyq jolyndaǧy küreske arnady.
Täuelsız el bolu üşın bılektıŋ emes, aqyldyŋ, saiasi sananyŋ aşyq boluyn qalaǧan Alaş qairatkerlerımız de atylyp jatty. Soǧysty, aştyqty körgen eldıŋ täuelsız el boluǧa degen ümıtterı de üzıle bastady. Bıraq sol kezdegı jalyndy jastardyŋ ruhynyŋ arqasynda, örımdei bolyp, qyrşyn ketken qyzdarymyz ben jıgıtterımızdıŋ tılekterı qaraŋǧydan köz aşpaǧan halyqtyŋ jüregıne ümıt ūialatty.
Mıne, barlyq qazaq sonau jyldar boiy aŋsap, 1991 jyly qol jetkızgen täuelsızdıgımızge biyl 30 jyl tolyp otyr. Azattyqqp qol jetkızu qanşalyqty qiyn bolsa, ony saqtap qalu da, täuelsız memleket retınde ömır sürıp ketu de sonşalyqty qiyn. Osy 30 jylda Qazaqstanymyz öz basyna jeke täuelsız el bolyp, basqa memleketterdı özınıŋ täuelsızdıgın moiyndatuda köptegen ıster jürgızdı. Keŋes Odaǧynyŋ qūlap, qaramaǧynda bolǧan bıraz memleketter täuelsızdıgın alǧanda tentırep qaldy. Äsırese, saiasat pen ekonomika jaǧy älsız bolǧanyn barlyǧymyzda bılemız. 15 şaqty memleketten tūrǧan ülken Odaqty täuelsızdık berıp bölıp tastauy, ülken rezonansty tuyndatty. Är memleket özınıŋ önımın şyǧaruda basqa memleketpen tübegeilı bailanysta ekenın ūǧynǧannan keiın elımızdıŋ tūŋǧyş prezidentı Nūrsūltan Äbışūly Nazarbaev būl problemany şeşu üşın Täuelsız Memleketter Dostastyǧy odaǧynyŋ negızın qalap, barlyq Täuelsız memleketterdıŋ aiaqqa tūruyna degen septıgın tigızdı. «Jūmyla kötergen jük jeŋıl» demekşı, jūmyla qūrylǧan azat elderdıŋ tez aiaqqa tūruy da osydan bolsa kerek.
Elbasymyz mūnymen ǧana şektelıp qalmai, elımızdıŋ konstitusiiasyn, ūlttyq valiutamyz ben rämızderımızdıŋ negızın qalady. Saiasatta damyǧan elder qataryna kırude köptegen jūmystar jasady. Mysaly keşegı damyǧan 50 eldıŋ qataryna kıru üşın Qazaqstan- 2030 strategiiasynan bastap, damyǧan 30 eldıŋ qataryna kıru üşın Qazaqstan -2050 syndy baǧdarlamalardy ıske asyrdy. Osyndai täuelsız damyǧan el bar ekenın älemge paş etuden, Ekspo-2017 Bolaşaq energiiasyn ūsynǧan baǧdarlama da elımızdıŋ täuelsızdıgın odan da myqty ete tüstı. Alaida jahandanudyŋ da özındık terıs jaqtaryn bılgen Elbasymyz köptıŋ bırı bolyp ketpei, qazaq degen atymyz ben qūndylyqtarymzdy saqtap qalu üşın «Ruhani jaŋǧyru» baǧytyn ūsyndy. Osy baǧyttyŋ aiasynda köptegen ıs-şaralar, tarihi filmder, kıtap şyǧaru men oqudan jarys syndy ıster jüzege asyryldy. Odan bölek qazırgı taŋda elımızdıŋ Prezidentı Qasym-Jomart Toqaev ekonomika, saiasat salalarynan bölek mädenietke, jıtı, nazar audardy. Bız Tūran Universitetınde Tulekova Guljan apaiymyzben Täuelsızdıgımızdıŋ 30 jyldyq qarsaŋynda Türkıstan qalamyz Türkı elınıŋ Astanasy deŋgeiıne jetıp, Qoja Ahmet İassauidyŋ deŋgeiın taldai otyra, qazaq täuelsızdıktı saqtap qaluda älı de köp jūmystar ıstelu qajet ekenın ūǧyndyq. Alaida soŋǧy hanymyz Kenesarynyŋ bas süiegı elge qaitarylmaq bolsa, qazaq elımızdıŋ deŋgeiı kökke şyqpaq. Osyndai jaqsy jaŋalyqtarmen qarsy alyp jatqan būl mereitoiymyz Qazaq jūrtynyŋ mäŋgı esınde qalatyny aidan anyq. «Qoi üstınde boztorǧai jūmyrtqalaǧan zaman» degen osy şyǧar.
Bekturova Fariza, Tūran Universitetınıŋ
«Jurnalistika» fakultetınıŋ 2-kurs studentı.
