Öskemende mektep mūǧalımı köz jūmdy. Marqūmnyŋ tuystary men ärıptesterı pedagogtyŋ ölımın mektep direktorynan körıp otyr. Öitkenı ol soŋǧy kezderı basşylyq tarapynan ünemı qysymǧa körıp jürgenın aityp, bırneşe mūǧalımmen bırge qūzyrly organdarǧa şaǧym jazǧan. Qadaǧalauşy organdar tekserudı endı bastaǧanda 38 jastaǧy kelınşek dünieden ötken, dep habarlaidy Stan.kz aqparat agenttıgı Qazaqstan arnasyna sılteme jasap.
Marqūm mūǧalımnıŋ ärıptesterı älı küŋge deiın köz jasyn tiia alar emes. Olar Äsem Nūrǧalievamen Öskemendegı №5 orta mektepte bırge jūmys ıstegen. Aǧa tälımger direktor tarapynan qudalauǧa ūşyraǧanyn ünemı aityp jürıptı.
«Ol özı qatty stressten miym qainap jür, şydai almaimyn dedı. Qudalap, esımdı şyǧaryp bıttı dedı», - dep mälımdedı Öskemen qalalyq №5 orta mekteptıŋ bastauyş synyp mūǧalımı Säule Bapinova.20 kün būryn köz jūmǧan mūǧalım ärıptesımen bırge qūzyrly organdarǧa şaǧym tüsırgen. Bılım salasyndaǧy baqylau departamentı jospardan tys tekseru jürgızıp, mektep direktorynyŋ zaŋǧa qaişy äreketterın äşkerelegen.
«Barlyq faktıler rastaldy. Atap aitsaq, būl kısı tamyz aiynda jūmysqa tūrǧan. Sol kezde mektepte jöndeu jūmystary jürıp jatqan. Sol kezde mekteptıŋ aulasyn tazalau jūmystaryna tartylǧan. Attestasiiadan ötuge qarsylyq körsetken, mektep basşysy jäne onyŋ orynbasary», - dedı bılım beru salasyndaǧy sapany qamtamasyz etu departamentı basşysynyŋ orynbasary Jūmabek Qambetov.Tekseru qorytyndysy boiynşa mektep direktoryna qatysty 6 äkımşılık ıs qozǧalǧan. Osy kezde şaǧym jazǧan Äsem Nūrǧalieva auruhanaǧa tüsıp, bır apta es-tüzsız jatyp, köz jūmǧan.
«Dene qyzuy köterılıp, ORVİ bolǧanda midyŋ ısınuı bolady dedı. Därıgerdıŋ bızge alǧaş aitqany osyndai diagnoz boldy. Al endı meningit bolǧan jaǧdaida, nege därıgerler ana mekteptı jappaidy. Meningittıŋ özı de jūqpaly auru ǧoi», - dedı marqūmnyŋ naǧaşy apasy Ǧafura Darabaeva.Mektep direktory därıgerlerdıŋ ölım turaly anyqtama qorytyndysyna süienıp, özın aiypty sezınbeidı.
«Ol miningitten qaitys boldy. Būl jūqpaly auru. Al mekteptegı psihologiialyq ahualdy auyr dep eseptemeimın. Eşkımge qysym körsetılgen joq», - dedı Öskemen qalalyq №5 orta mektep direktory Natalia Karpova.Osy jaǧdai boiynşa qalalyq bılım bölımı de tekseru jürgızgen. Nätijesınde mektep direktoryn qyzmetınen bosatu turaly şeşım qabyldady. Al köz jūmǧan mūǧalımge qatysty qūqyq qorǧau organdarynda äzırge eşqandai ıs tırkelmegen. Marqūmnyŋ soŋynda ekı balasy qaldy.
"Adyrna" ūlttyq portaly
