Jük tiegıştı ūrlap äketken qyz jol apatyn jasady

Nūr-Sūltanda 25 jastaǧy qyz ZL-30 markaly frontal tiegıştı aidap kettı, dep habarlaidy «Adyrna» ūlttyq portaly Sputnik Qazaqstan saityna sılteme jasap. Jük tiegıştıŋ jürgızuşısı polisiiaǧa qoŋyrau şalyp, ūrlyq turaly habarlaǧan. Er adam belgısız bıreu avtotūraqtan qūrylys kompaniiasyna tiesılı ZL-30 tiegışın aidap ketkenın jetkızdı. Poliseiler tünde jürgızuşı tanys qyzyn üiıne şaqyrǧanyn anyqtady. Dastarqan basynda ol ışımdık ışıp, mas bolyp qalǧan. Qonaq er adamnyŋ ūiyqtaǧanyn kütıp, kılttı alyp, jük tiegıştı aidap äketken. Polisiia baqylau kameralary tüsırgen videony körsettı. Qyz tünde qalada qatty jyldamdyqpen jürıp, joldarda qauıptı manevrler jasaǧan. Sonymen qatar ol Brusilovskii köşesınde jol apatyn jasap, Mercedes avtokölıgıne zaqym keltırgen. Qyzdyŋ tüngı saiahatyn patruldık poliseiler toqtatty. Qūqyq qorǧau organdary qyzdyŋ kölık qūralyn jürgızuge rūqsat beretın kuälıgı joq ekenın atap öttı. Ūstalǧan 25 jastaǧy qyz polisiia bölımıne jetkızıldı. Ol arnaiy tehnikamen qydyrǧysy kelgendıkten osyndai qadamǧa barǧanyn aitty. Qazır tergeu jürgızılıp jatyr. https://youtu.be/sk6KaxqRj6E