Úndistanda koronovırýsqa shaldyqqandarǵa arnalǵan aýrýhanada órt shyǵyp, jansaqtaý bóliminde jatqan 13 naýqas kóz jumdy. Eldegi ahýal qıyndap barady. Sońǵy táýlikte 314 myń adam qaýipti indettiń ilmegine ilingen. Bul jahan jurtshylyǵynyń arasyndaǵy rekordtyq ósim bolyp otyr. Aýrýhanalar lyq toly, al qaıtys bolǵandardyń denelerin órteýge ýaqyt tapshy, dep habarlaıdy «Astana» telearnasy.
Maharashtra shtatyndaǵy aýrýhanada shyqqan órt 3 saǵatta áreń aýyzdyqtaldy. Oqıǵanyń sebebi qazir anyqtalyp jatyr. Al naýqastar jaqyn mańdaǵy emdeý mekemelerine aýystyryldy.
«Ókinishke qaraı, bizdiń aýrýhanada túngi 3 shamasynda alyp órt shyqty. Kenetten kondııonerden ushqyn paıda bolyp, ıntensıvti terapııa bóliminde ottegi jetkilikti bolǵandyqtan, barlyǵy 2 mınýttyń ishinde aıaqtaldy.
Elde jaǵdaı onsyz da ýshyǵyp tur. Ásirese sońǵy kúnderi vırýs juqtyrý deregi kóbeıgen. Bir kúnde 314 myń adam aýrýǵa shaldyǵyp, álemdik antırekord ornady», - deıdi aýrýhana qyzmetkeri Dılıp ShAH.
Bir táýlikte 330 myńǵa jýyq adam koronavırýs juqtyryp, 2 jarym myńǵa jýyq naýqas qaıtys bolǵan. Úndistan medıınalyq qaýymdastyǵynyń burynǵy hatshysynyń aıtýynsha, eldegi barlyq aýrýhanada naýqastar kóp.
«8 sáýirde táýligine 16 000-ǵa jýyq aýrý tirkelse, búginde 324 000-nan asty. Bul aısbergtiń shyńy ǵana. Tekserilmegen, rastalmaǵan nemese sımptomsyz jaǵdaılar kóp. Sońǵy táýlikte 2 263 adamnyń qaıtys bolǵany da bizdi alańdatyp otyr.
Qazir barlyq aýrýhanalarda yǵy-jyǵy naýqas. Birneshe kún buryn Úndistanǵa 500 tonna ottegi jetkizilgen. Biraq bul az. Óıtkeni aýa jetpeı demikkenderge 700 tonna ottegi ballony qajet. Qıyn sátte krematorıılar men mekemelerdiń de jumysy eselendi. Dárigerlerdiń aıtýynsha, vırýstyń alǵashqy tolqynynda kúnine 18 máıit shyǵarylatyn. Qazir táýligine 80 dene órteledi», - deıdi Úndistan medıınalyq qaýymdastyǵynyń burynǵy hatshysy Ravı MALIK.
Al medıınalyq ortalyq basshysy koronavırýstan qaıtys bolǵan naýqastardy órtep jatqandyqtaryn aıtty. Olardyń aıtýyna qaraǵanda, buryn avtoturaq bolǵan jer qazir máıitterdi órteıtin orynǵa aınalǵan.
«Biz kúndizgi saǵat 16:00-de 60-qa jýyq deneni órtedik. Syrtta taǵy 15 máıit tur órteıtin. Men kúnde kórip júrgen sumdyqty qudaı eshkimge kórsetpesin dep tileımin. 5, 15, 25 jastaǵy balalar men jasóspirimderdi jaǵyp jatyr. Endi úılengen jubaılardy da órtep jatyrmyz. Deneleri órtke oranyp jatqan kóp kishkentaı balalardy kórgende júregim qan jylaıdy. Buryn bul jer avtoturaq bolǵan, qazir máıitterdi órteıtin orynǵa aınaldy», - deıdi medıınalyq ortalyq basshysy Djıtender SINGH ShÝNTI.
Sonymen qatar Djıtender Sıngh Shýntı denelerdiń kúnnen kúnge kóbeıip jatqandyǵyn aıtyp ótti. Bulaı jalǵasa berse, máıitterdi jolda órteýge týra keletindigin de eskertti.
«Basynda 24 ot boldy. Birte-birte sany 50-ge jetti. Denelerdiń kóptigi sonshalyq, bizde otyn taýsylýǵa jaqyn. Biz 30 tonna aǵash ákelemiz, ol tez arada bitedi. Sodan keıin taǵy 30-yn ákelemiz, ol da bitedi. Jaǵdaı óte nashar, eger osylaı jalǵasa berse, 4-5 kúnde máıitterdi jolda órteýge týra keledi, basqa amal joq», - deıdi medıınalyq ortalyq basshysy Djıtender SINGH ShÝNTI.
Úndistanda ekpe egý 16 qańtardan bastalǵan bolatyn. Osy ýaqytqa deıin 30 mıllıon adamǵa vakına salyndy. Alaıda, halyq sany boıynsha álemde 2-orynda turǵan memleket úshin bul óte tómen kórsetkish. Biraq eldegi bazarlar men saýda ortalyqtary 1 kúnge de jabylǵan joq.
Sondaı-aq toı-tomalaq, dinı merekeler toqtar emes. Onan bólek 1 mıllıonnan astam adamnyń Gang ózeninde jappaı shomylý sharasyna qatysýy ýshyqqan jaǵdaıdy odan ári tyǵyryqqa tirep tur.
«Adyrna» ulttyq portaly
