Qyzylorda qalasynda Alashtyń jáne Túrki áleminiń ardaqtysy Mustafa Shoqaıǵa arnalǵan eskertkishtiń saltanatty ashylý rásimi ótti.
Aldymen rejısser Rahymjan Otarbaevtyń «Mustafa Shoqaı» spektaklinen úzindi qoıyldy. Munan soń Qyzylorda oblysynyń ákimi Qyrymbek Kósherbaev aımaq turǵyndaryn eskertkishtiń ashylýymen quttyqtady. «Mustafa Shoqaı - kez-kelgen iri tarıhı qubylys sekildi birjaqty sıpattaýǵa bolmaıtyn, úırenshikti qalypqa salýǵa kelmeıtin tulǵa. Ol sol zamandaǵy asa kúrdeli ǵalamdyq tarıhı proesstiń bel ortasynda, epıentrinde júrip, Túrki áleminiń, óz ultynyń múddesin qorǵaýǵa tyrysty. Sondyqtan da, Mustafa Shoqaı aq pen qyzylǵa nemese qońyrǵa jaq, ıa qarsy boldy degen qarabaıyr túsinikke syımaıdy. Ol óziniń búkil ǵumyryn, kúlli qajyr-qaıraty men aqyl-oıyn týǵan halqynyń, túbi bir tutas túrki jurtynyń birigip órkendeýine arnady»,- dedi oblys ákimi Q.Kósherbaev.
Sondaı-aq, saltanatty sharaǵa QR UǴA akademıgi, Q.Sátbaev atyndaǵy Qazaq ulttyq tehnıkalyq zertteý ýnıversıtetiniń professory Dosmuhambet Kishibekov, Qazaq gýmanıtarlyq zań ýnıversıtetiniń professory Ábdijálel Bákir, QR Parlamenti Senatynyń depýtaty Murat Baqtııaruly qatysty. Munan soń saltanatty túrde eskertkish jamylǵysy túsirilip, gúl shoqtary qoıyldy.
Eskertkish - Qazaqstan Sýretshiler odaǵynyń múshesi, músinshi Kósher Baıǵazıevtiń qoladan jasaǵan týyndysy. Granıtti tuǵyryn qosa eseptegende eskertkishtiń jalpy bıiktigi - 12 metr.
Bul kúni Qorqyt Ata atyndaǵy Qyzylorda memlekettik ýnıversıtetinde «Alash» qozǵalysynyń 100 jyldyǵyna arnalǵan «Alash murasy jáne Táýelsiz Qazaqstan» taqyrybynda halyqaralyq ǵylymı-teorııalyq konferenııa ótti. Oǵan Qazaqstan, Túrkııa jáne Ózbekstannan Alash qaıratkerleriniń muralaryn zertteý jumystarymen aınalysyp júrgen belgili tarıhshy ǵalymdar qatysty.
[caption id="attachment_6824" align="alignnone" width="618"]
Hangeldi Ábjanov[/caption]
«Alash murasy jáne Táýelsiz Qazaqstan» konferenııasy
"Adyrna." kz
