10 sáýirden beri koronavırýspen kúresip, jansaqtaý bóliminde jatqan, ánshi, kompozıtor Eskendir Hasanǵalıev aýyr halde dep habarlaıdy "Adyrna" ulttyq portaly.
Bul aqparatty uly Birjan Hasanǵalıev rastady. Ulynyń aıtýynsha, ákesiniń jaǵdaıy keshe túnde kúrt nasharlap ketken.
"Aldymen Qudaı, sodan keıin dárigerler men halyqtyń duǵasy kómektesedi degen úmittemiz. Meniń ákem ómir boıy halyq dep keldi. Mundaı jaǵdaıda otandastarymyz meniń ákeminiń jaǵdaı jaqsarsa eken dep duǵa etetinine senemiz", – dedi Birjan Hasanǵalıev.
Anasynyń hali kúnnen kúnge jaqsaryp kele jatqanyn da tilge tıek etti.
