Elimizde zań shyǵarý qyzmeti sapasy deńgeıiniń tómendeýinen bólek, erekshe qaýipti máselelerdiń biri - ǵylymı mektep sabaqtastyǵyn qalyptastyra almaý. Bul týraly M.S. Narıkbaev atyndaģy KAZGUU Unıversıteti-niń Basqarma Tóraǵasy Talǵat Nárikbaev «Ózbekstanda zań ǵylymyn damytýdyń jáne zań shyǵarý qyzmetin jetildirýdiń ózekti máseleleri» atty ǵylymı-praktıkalyq konferenııasynda málimdedi.
Halyqaralyq konferenııa barysynda Basqarma tóraǵasy akademııalyq mansaptyń tartymdylyǵyn joǵaltýǵa qatysty pikirimen bólisti.
«Qazaqstanda ǵalymdardyń ortasha jalaqysy 129 myń teńgeni (300 AQSh dollary) quraıdy, ıaǵnı eldegi ortasha jalaqydan bir jarym ese az. Ýnıversıtettegi jas zańger-oqytýshynyń jalaqysy korporatıvti sektordaǵy biliktiligi ózimen teń mamanǵa qaraǵanda 5 ese az», - dedi Talǵat Nárikbaev.
Spıkerdiń aıtýynsha, bul túlekterdiń ýnıversıtetten jappaı ketýine jáne konsaltıngtik nemese halyqaralyq zańgerlik fırmalardan jumys izdeýine ákelip soqtyrady: «Búgingi tańda Qazaqstandaǵy belgili zańger ǵalymdardyń ortasha jasy - 65 jas. Iaǵnı, bilikti ǵylymı kadrlar qartaıyp jatyr. Sáıkesinshe, daryndy stýdentterdi daıyndaıtyn eshkim joq. Bul vakýým óte qaýipti qubylys jáne tıisti sharalardy qazirden bastap qabyldaýymyz kerek».
Konferenııa barysynda KAZGUU Basqarma Tóraǵasy joǵaryda atalǵan máseleni sheshý úshin joǵary oqý oryndarynda laıyqty jalaqyny qamtamasyz etý arqyly jas mamandardy ǵylymı ortaǵa belsendi túrde tartý qajet ekenin basa aıtty.
M.S. Narıkbaev atyndaģy KAZGUU Unıversıteti-niń baspasóz qyzmeti
