Telegram-chattarda COVID-19 qarsy qytaılyq Sinovac vakınasyn qazaqstandyq ázirleme retinde usynady degen teorııa talqylanýda. Paıdalanýshylardyń aıtýynsha, preparatty elimizge Qytaıdan ákelip, onyń japsyrmalaryn aýystyrady eken. QR Densaýlyq saqtaý mınıstrligi bul tujyrymdardy joqqa shyǵardy, dep habarlaıdy «Adyrna» ulttyq portaly Stopfake.kz saıtyna silteme jasap.
Teorııa teledıdarda shyqqan jańalyqtardyń birinde qazaqstandyq vakınany birden QazVac jáne QazSovid-in dep eki atalýyna negizdelgen. Shyn máninde, bul ekeýi bir preparat. Bastapqyda ony QazSovid-in dep ataǵan, biraq keıin QazVac dep ózgertken. Bul týraly QR Bilim jáne ǵylym mınıstrliginiń saıtynda aıtyldy.
QazVac vakınasy belsendi emes vırýs platformasynda jasalǵan. Bul tehnologııa burynnan belgili jáne tumaý, oba, tyrysqaq, polıomıelıt, dıfterııa jáne basqa da qaýipti aýrýlarǵa qarsy vakınalardy ázirleýde qoldanylady.
Qazir otandyq preparat klınıkalyq synaqtardyń sońǵy, úshinshi kezeńinen ótýde. Oǵan úsh myńnan astam erikti qatysýda. Aralyq synaq nátıjelerini oń nátıje berdi. Qazaqstandyq vakınamen egilgen eriktilerde antıdeneler tıtriniń ósýi baıqalady, birinshi vakınaııadan keıin 16-dan 128-ge deıin (SGT=32.0), ekinshi vakınaııadan keıin 128-den 2048-ge deıin (SGT=618.5).
Qytaılyq vakınany qazaqstandyq ázirleme dep usyný múmkin emes, óıtkeni Sinovac preparaty bizdiń elge jetkizilmeıdi.
«Elimizde Sinovac vakınasy áli joq, birde-bir jetkizilim júzege asyrylǵan joq. Tıisinshe, qazaqstandyqtar onymen egilmeıdi. Qazirgi kezde Qazaqstanda «Spýtnık-V» vakınasy qoldanylýda. 26 sáýirden bastap otandyq QazVac preparatymen vakınaııalaý bastalady», – dep habarlady QR Densaýlyq saqtaý mınıstrliginen.
Demek Qytaı óndirilgen preparat otandyq vakına dep usynylatyny týraly tujyrymdar jalǵan. Elimizde qytaılyq Sinovac preparaty joq, al otandyq vakınanyń ázirlenýi men klınıkalyq synaqtary týraly sońǵy málimetter QR Bilim jáne ǵylym mınıstrliginiń saıtynda únemi jarııalanyp turady.
