Almaty oblysy Eŋbekşıqazaq audanynda bıreudıŋ jalǧyz balasy kısı qolynan qaitys boldy. Şelek auylynyŋ maŋyndaǧy Sarybūlaq eldımekenınde Erbol Nūrlan esımdı jıgıttı auyldastary ūryp soqqan. Toǧyz kün auruhanada es-tüssız jatqan jäbırlenuşı keşe tünı köz jūmypty, dep habarlaidy «Adyrna» ūlttyq portaly azattyq-ruhy saityna sılteme jasap.
Marqūmnyŋ äkesı Nūrlan Beisenbaev oqiǧanyŋ 11 säuır künı bolǧanyn aitady. Auyl tūrǧyny Medet Tūrajanov 18 jastaǧy balasy Däulet Tūrajan ekeuı Şelek auylynda mūǧalım bolyp jūmys ısteitın jıgıttı öz üiıne ızdep kelgen. Alaida ortalyqqa ketken Erbol Nūrlan sol künı keşke män-jaidy bılu üşın Tūrajanovtardyŋ üiıne öz aiaǧymen barypty. Alaida sol künı ol soqqyǧa jyǧylǧan.
Es-tüssız jatqan balasyn üiıne äkelgen äkesı jedel järdem şaqyrady. Keşke Şelektıŋ ortalyq auruhanasyna jetkızılgen Erboldyŋ ne bolǧanyn aityp beruge şamasy kelmegen. Bır aptadan astam uaqyt öz-özıne kele almai auruhanada jatqan jıgıttı därıgerler ölımnen araşalai almapty. Jaraqaty auyr bolǧan. Miyna qan qūiylǧan. Denesınıŋ köp jerınde auyr jaraqat bolǧan. Marqūm Şelek auylyndaǧy orta mektepterdıŋ bırınde mūǧalım bolyp jūmys ıstegen. Nūrlan Beisenbaev balasynyŋ ölımıne Sarybūlaq auylynyŋ ortalyq köşesınde tūratyn Medet Tūrajanov esımdı azamat pen onyŋ jaqyndaryn kınälap otyr. Jalǧyz ūlyn bır emes bırneşe kısınıŋ jabylyp ūryp-soqqanyn körgen kuägerler bar. Alaida jergılıktı polisiia on kün boiy küdıktılerdı ūstamaǧan. Tek ölım men ömırdıŋ arasynda jatqan jıgıt jan tapsyrǧanda baryp, Medet Tūrajanov qūryqtalypty.
Osy oqiǧaǧa qatysy bar delıngen Tūrajanovtar otbasy mūǧalımdı aulasynda ūryp-soqqanyn joqqa şyǧarmaidy. Üidıŋ ülkenı Däulet Tūrajan marqūmnyŋ şeşesımen telefon arqyly söilesıp jürgenın aitady. Jük tasymalymen ainalysyp, sol künı üiıne kelgen Medet Tūrajanov äielınıŋ telefonyna tüngı mezgılde Erbol Nūrlannan qoŋyrau tüskenın baiqap qalǧan. Erlı-zaiyptylar arasyndaǧy qyzǧanyştyŋ soŋy osylai adam ölımıne aparǧan degen boljam bar. On segız jastaǧy Däulet sol künı Erboldyŋ dostaryn baltamen qorqytyp, quyp jıbergenın moiyndap otyr. Odan keiın üidıŋ aulasynda qylmysqa küdıktı äkesınıŋ marqūmdy tepkınıŋ astyna alǧanyn da joqqa şyǧarmady.
Būl otbasyndaǧylar mūǧalımmen söilesıp jüruı mümkın dep sezıkke ılıngen bes balanyŋ anasyn da üiınen quyp jıbergen. Al äkesın keşe polisiia ūstap äketıptı. Almaty oblystyq polisiia departamentı alǧaşqyda Qylmystyq kodekstıŋ 107-baby, 1-bölımı boiynşa (densaulyqqa qasaqana auyrlyǧy ortaşa ziian keltiru) deregı boiynşa ıs qozǧaǧan. Al keşe ıstı qylmystyq kodekstıŋ 106-baby 3-bölımı boiynşa qaita qozǧap, küdıktıge «kinäli adamǧa därmensiz küide ekenin köre tūra jäbır körsetıp, adamdy ūrlaumen ne kepilge alumen ūştasqan qylmysqy bardy» degen aiyp taqqan.
Jergılıktı polisiianyŋ adam densaulyǧyna qasaqana auyr ziian keltırgen azamatty on kün boiy oqşaulamaǧany tüsınıksız. Ol özınıŋ äielıne de osyndai auyr dene jaraqatyn saluy mümkın nemese öltıruı de kädık edı, deidı auyl tūrǧyndary.
Bügın därıgerler marqūm Erbol Nūrlannyŋ denesın tuystaryna bergen. Erteŋ jerlenedı. Jıgıttıŋ äkesı qūzyrly organdardan tergeudı ädıl jürgızıp, jalǧyz balasynyŋ ölımıne kınälı özge tūlǧalardy da anyqtap, jauapqa tartudy sūraidy.
https://youtu.be/kXZantYgBls
"Adyrna" ūlttyq portaly
