Jetısu öŋırınde Almaty oblysynda 62 auyl şaruaşylyǧy jäne önerkäsıptık käsıporyny COVID-19 qarsy ekpe egu jūmysyn bastady. Nätijesınde 2,5 myŋnan astam jūmysşy vaksinasiia aldy.
Jalpy öŋırde halyq arasynda ekpe egu nauqany jalǧasuda. 20 säuırdegı jaǧdai boiynşa koronavirustyq infeksiiaǧa qarsy vaksinanyŋ I komponentımen 101 477 adam egıldı, II komponentımen taǧy 10 432 vaksinasiialandy. Käsıpkerlerdıŋ aituynşa, pandemiia kezınde qyzmetkerler men şyǧarylatyn önımderdıŋ qauıpsızdıgın qamtamasyz etu üşın sanitarlyq baqylau şaralaryn saqtau jetkılıksız, virusty jūqtyryp almas üşın vaksina aludy qamtamasyz etu maŋyzdy.
Soŋǧy aptada Almaty oblysynda ekpe egu nauqanyna 62 jeke käsıpker, auyl şaruaşylyǧy keşenderınıŋ, süt zauyttarynyŋ jäne önerkäsıptık käsıporyndardyŋ ūjymdary qosyldy. Osylaişa, biznes nysandary men vaksinasiia punktterınde 2,5 myŋnan astam qyzmetker COVID-19 qarsy vaksinasyn aldy.
Ekpeden būryn därıgerler qyzmetkerlerge vaksina komponentınıŋ artyqşylyqtary men qarsy körsetılımderı turaly keŋes beredı. Virusqa qarsy immunitettı alǧysy keletınderdıŋ ärqaisysymen jeke saualnama jäne medisinalyq tekseru jürgızıledı.
Oblystyŋ eŋbek ūjymdary arasynda alǧaşqylardyŋ bırı bolyp Taldyqorǧan qalasyndaǧy «Şymyr» JŞS qyzmetkerlerı ekpe saldyrdy. Qūrylys kompaniiasynda 100-den astam maman bar. Osy aida qyzmetkerlerdıŋ 15% ekpe alsa, şılde aiyna deiın qyzmetkerlerdıŋ jartysynan köbı vaksinasiialaudy josparlap otyrǧanyn jetkızdı käsıporyn direktory Ruslan Valişanov.
- Synǧa qaramastan, vaksina - pandemiiamen küresudıŋ eŋ tiımdı ädısı. Öitkenı onyŋ kömegımen köptegen ındetterdıŋ emı tabyldy. Būl virusty da osylai jeŋuge bolady. Kompaniianyŋ qyzmetkerlerımen bırge denımız sau jäne myqty boluymyz üşın ekpe jasattym, - dedı «Şymyr» JŞS qyzmetkerı Nadejda Baziak.Osy künderı elımızdegı balmūzdaqtyŋ ırı öndıruşısı «Şin-Lain» käsıporny öz qyzmetkerlerın vaksinasiialau boiynşa auqymdy nauqan bastady. Käsıporynda ekpe saldyru 15 säuırde bastalyp, mamyr aiynyŋ soŋynda aiaqtalady. Osy uaqytqa qarsy körsetılımderı bar qyzmetkerlerdı qospaǧanda, jūmysşylardyŋ şamamen 70% vaksinasiialau josparlanuda. Öz kezegınde kompaniia basşylyǧy da ekpe alǧan. "Käsıporyn ūjymyn vaksinasiialau turaly şeşım bügıngı künı adamdardy COVID–19 jūqtyrudan qorǧaudyŋ jalǧyz senımdı ädısı bolyp tabylady, ärı kompaniianyŋ üzdıksız jūmys ısteuıne mümkındık beredı", - deidı zauyt ökılderı. Bügıngı taŋda 180-ge juyq qyzmetker ekpe aldy.
- Qyzmetkerler üşın koronavirusqa qarsy immunitetpen qorǧalǧan ūjymdaǧy auysymda bolu äldeqaida tiımdı. Būl adamdardyŋ jeke qauıpsızdık mäselesınıŋ şeşımı. Kompaniia özınıŋ ärbır qyzmetkerın baǧalaidy jäne önımnıŋ qauıpsızdıgın qamtamasyz etu üşın barlyǧyn jasauǧa äzır. Sonymen qatar, ūjymdaǧy vaksinasiia käsıporyn ekonomikasyna oŋ äserın tigızedı, sondyqtan ötken jyldaǧydai karantin şaralaryn engızudıŋ qajettılıgı bolmaidy dep oilaimyn, - deidı «Şin-Lain» JŞS bas direktory Vladimir Pak.Al Balqaş audanynda «Dinara – Ranch» agrofirmasy» JŞS jäne «DİNARA» öndırıstık kooperativınıŋ 163 qyzmetkerı de ekpe saldyrdy.
- Vaksinasiia saldyru ne saldyrmau – ärkımnıŋ öz erkınde. Ekpe nauqany bastalǧan kezde bız qyzmetkerler arasynda tüsındıru jūmysyn ötkızıp, onyŋ artyqşylyqtary men qarsy körsetılımderı turaly aittyq. Köptegen jūmysşy özın qauıpsız sezınuı üşın vaksina egu turaly şeşım qabyldady. Bız qyzmetkerlerdıŋ taŋdauyn qoldai otyryp, ūjymdyq immunitettıŋ qalyptasuy arqasynda pandemiiany betın berı qarata alamyz dep sanaimyz, - dedı «Dinara-Ranch» agrofirmasy» JŞS bas direktory Baqyt Ataibekov.Panfilov audanynda Qazaqstan men TMD-daǧy ırı krahmal-sırne zauyty «Jarkent krahmal-sırne zauyty» JŞS käsıporyn bazasynda 600-den astam qyzmetkerge COVID-19-ǧa qarsy vaksinasiialaudy ūiymdastyrdy. Zauyt ökılderınıŋ aituynşa, käsıporyn qyzmetkerlerınıŋ qauıpsızdıgı men ekonomikalyq tūraqtylyǧy «Universal» kompaniialar tobynyŋ basty basymdyqtarynyŋ bırı bolyp tabylady. Sonymen bırge, ekpe egu nauqanyna «Food Master» JŞS, «Adal» JŞS, «Astory» JŞS, «Kagazy Recycling» JŞS, «Efes Kazakhstan» JŞS, «Qazger» JŞS, «SKTB Granit» JŞS, «Kaz Glass Company» JŞS, «Alatau qūs» AQ jäne basqa da köptegen ırı önerkäsıptık käsıporyndar belsendı türde qosyldy. Almaty oblysynyŋ Bas memlekettık sanitarlyq därıgerı Erǧali Sydymanov atap ötkendei, aimaqta vaksinadan keiıngı reaksiialar men asqynular tırkelgen joq. Jalpy Almaty oblysynda 239 egu punktı, 134 köşpelı brigada äzırlengen. Är punkttıŋ ötkızu qabıletı - 7 myŋnan astam adamdy qūraidy.
Ūqsas jaŋalyqtar
