Qazaqstan halyq partiiasynyŋ mäjılıstegı fraksiiasy mügedekterdıŋ zeinet jasyn tömendetudı ūsyndy.
Deputat Erlan Smaiylov qazırgı kezde memleket tarapynan mügedek adamdardyŋ qūqyǧy men müddesın qorǧau maqsatynda bırqatar şaralardyŋ atqarylyp jatqandyǧyn aitty. Ökınışke qarai jūmys ısteitın mügedek adamdardyŋ zeinet jasyn tömendetu mäselesı qaralmaǧan.
«Mügedekterdı jūmyspen qamtu jäne olarǧa tolyqqandy jaǧdai jasau maŋyzdy basymdyq ekenı dausyz. Sonymen bırge mügedek eresek adamdardyŋ fiziologiialyq jai-küiın, densaulyq jaǧdaiyn da eskeru qajet. Jas ötken saiyn auru küşeiedı jäne mügedek adamdarǧa 63 jasqa deiın jūmys ısteu qiynǧa soǧady. Soǧan qaramastan olar jūmys ısteudı jalǧastyra beredı. Öitkenı mügedektık boiynşa alatyn järdemaqy mardymsyz. Sosyn zeinetaqyny köbırek alu üşın zeinetke şyqqanǧa deiın jūmys ısteuge mäjbür», - dedı Smaiylov.Sonymen qatar deputat mügedekterdıŋ zeinet jasyn tömendetkende densaulyq jaǧdaiyn, diagnozdy, eŋbek sipatyn jäne taǧy basqa mäselelerdı eskeru kerektıgın de aityp öttı.
«Bıraq olar köp balaly analar sekıldı ortaşa 55 jasta zeinetke şyǧu kerek. Zeinetke şyqqan mügedek adamdardy zeinetaqymen qamsyzdandyru tetıgı jeke pysyqtaudy qajet etedı. Mysaly bügıngı künı mügedektık boiynşa tölenetın järdemaqyny jäne qosymşa zeinetaqynyŋ bır bölıgın aluǧa bolady», - dedı ol.
"Adyrna" ūlttyq portaly
