Halyqty vaksina almauǧa şaqyryp jürgen aitysker Balǧynbek İmaşev koronavirusqa qarsy ekpe mäselesıne qatysty taǧy da jazba jariialady. Būl jazbasynda aqyn vaksinasiianyŋ mäjbürlı türde salynyp jatqanyn aitty.
«Vaksina saldyru erıktı türde degen bos söz bolǧany ma? Bızdıŋ bilıktıŋ sözıne senuge bolmaityn siiaqty. «Mektep direktorlaryn «qamşylau» kerek» degen ne masqara? Qaidasyŋdar, batyr qazaqtyŋ erlerı men qyzdary? Eldıŋ köz-jasyna qaludan qorqatyn basşy qalmaǧan ba? Mekeme basşylary! Är türlı deŋgeidegı äkım-qara, şeneunık, direktor, rektor, t.b qyzmettegı azamattar! Allanyŋ aldynda qol astylaryŋdaǧy är adamnyŋ haqynan sūralasyŋdar! Vaksina aldym dep jahanǧa jar salǧan jelıdegı jarnamaşylar! Ne üşın? Eşkım qystamasa, ötınbese, sūramasa, talap etpese, belgısız ekpenı ne üşın, kım üşın nasihattap jatyrsyŋdar? Ramazan aiy ǧoi. Ötırık aqtalmaŋdar! Alla jürekterıŋdegı syrdy bıledı. Köbıŋ kreslo üşın, basşyǧa jaǧu üşın saldyrdyŋdar! Densaulyq üşın emes! Bärıŋnıŋ jürekterıŋde kümän bar! Köbıŋ täuekelge bardyŋdar. Özıŋnıŋ artyŋ şydamady, maqūl. Endı basqalardy zorlamasaŋdarşy! Maǧan dairektke jazyp jatqandar jetedı. «Amal joq, joǧarynyŋ būiryǧymen, qoqan-loqqysymen saldyruǧa mäjbürmız» deidı. Öz erkımen saldyrǧandarǧa qarsy aitarym joq. Bıraq olardyŋ sany az ǧoi. Köbı amalsyz saldyruda. Men ekpege qarsymyn! Bügın «halyq jauy» qylsaŋdar da osy pıkırde qalamyn. Qaida menıŋ Ata Zaŋymmen kepıldık berılgen qūqyǧym?», - dep jazdy ol.
"Adyrna" ūlttyq portaly
