Álemdegi eń úlken A68 dep atalatyn aısberg eridi. Ol birneshe usaq fragmentterge bólindi, dep habarlaıdy "Adyrna" ulttyq portaly Sky News-qa silteme jasap.
Aısberg 2017 jyly Antarktıda túbegindegi Larsen muz qaırańynan shyqqan kezde 5800 sharshy shaqyrymdy qamtydy. Onyń shamamen massasy bir trıllıon tonnany qurady. Alaıda, spýtnıktiń sońǵy málimetterine sáıkes, úlken aısberg is júzinde joǵalyp ketti. Ol balqyp, usaq bólshekterge aınaldy. AQSh-tyń Ulttyq muz ortalyǵynyń zertteýshileri muzdy endi baqylaýǵa bolmaıtynyn aıtty.
Aıta ketý kerek, bul ortalyq uzyndyǵy 20 shaqyrymnan asatyn Antarktıkalyq aısbergterdiń attaryn, jaǵdaılaryn jáne qozǵalystaryn baqylaıdy.
Alyp aısberg bir jyl boıy áreń degende jyljyp, Aısberg alleıasy dep atalatyn jerde aýytqyp ketti. Aısberg sol jerde qalyp qoıǵannan keıin, birtindep erı bastaǵan. Alaıda, A68 durys emes jerde balqyp, Atlant muhıtymen jyljýdy jalǵastyrdy.
Ýaqyt óte kele sýdyń jyly bolýy jáne aýa temperatýrasynyń joǵarylaýy muz aıdynyn edáýir kishireıtip jiberdi. Ol barǵan saıyn usaq bólshekterge bólinip barady.
"Adyrna" ulttyq portaly
