Qorǵanys mınıstrliginiń Sý-30 ushaǵy Qaraǵandy oblysynda qulady. Bul týraly qorǵanys mınıstrliginiń baspasóz qyzmeti habarlady.
"Balqash qalasyndaǵy avıaııalyq oqý ortalyǵynda ótip jatqan oqý-jattyǵý kezinde SÝ-30SM kópfýnkıonaldy ıstrebıteli qoný alańyna jaqyndap qalǵan sátte apatqa ushyrady. Ózge jaǵdaılar anyqtalǵan soń, tıisti habarlama jasaıtyn bolamyz", – dep túsindirdi qorǵanys mınıstrliginiń baspasóz qyzmeti.
Aıta keteıik, Sý-30 ushaǵy eki oryndy kópmaqsatty tórtinshi býyndy áskerı ushaq sanatyna jatady.
Senbi, 13 naýryzda Almaty áýejaıynyń mańyndaǵy Qyzyl Tý aýylynyń irgesine áskerı ushaq apatty jaǵdaıda qonýǵa májbúr bolǵan. Alaıda, An-26 ushaǵy qoný alańyna jaqyndaǵanda otqa oranyp, qulady. Saldarynan tórt adam qaza taýyp, aýyr jaraqat alǵan eki áskerı qyzmetker tórtinshi qalalyq aýrýhanaǵa jetkizildi. Dárigerler olardyń jaǵdaıyn óte aýyr dep baǵalap otyr.
Ulttyq qaýipsizdik komıteti borttyq nómiri 02 sanymen belgilengen ushaq vedomstvonyń avıaııalyq qyzmetine tıesili ekenin rastady.
