Qorǧanys ministrlıgınıŋ Su-30 ūşaǧy Qaraǧandy oblysynda qūlady. Būl turaly qorǧanys ministrlıgınıŋ baspasöz qyzmetı habarlady.
"Balqaş qalasyndaǧy aviasiialyq oqu ortalyǧynda ötıp jatqan oqu-jattyǧu kezınde SU-30SM köpfunksionaldy istrebitelı qonu alaŋyna jaqyndap qalǧan sätte apatqa ūşyrady. Özge jaǧdailar anyqtalǧan soŋ, tiıstı habarlama jasaityn bolamyz", – dep tüsındırdı qorǧanys ministrlıgınıŋ baspasöz qyzmetı.Aita keteiık, Su-30 ūşaǧy ekı oryndy köpmaqsatty törtınşı buyndy äskeri ūşaq sanatyna jatady. Senbı, 13 nauryzda Almaty äuejaiynyŋ maŋyndaǧy Qyzyl Tu auylynyŋ ırgesıne äskeri ūşaq apatty jaǧdaida qonuǧa mäjbür bolǧan. Alaida, An-26 ūşaǧy qonu alaŋyna jaqyndaǧanda otqa oranyp, qūlady. Saldarynan tört adam qaza tauyp, auyr jaraqat alǧan ekı äskeri qyzmetker törtınşı qalalyq auruhanaǧa jetkızıldı. Därıgerler olardyŋ jaǧdaiyn öte auyr dep baǧalap otyr. Ūlttyq qauıpsızdık komitetı borttyq nömırı 02 sanymen belgılengen ūşaq vedomstvonyŋ aviasiialyq qyzmetıne tiesılı ekenın rastady.
