Iemendik «Ansar Alla» qozǵalysy (hýsıtter) drondar men zymyrandardy qoldanyp, Saýd Arabııasyna shabýyl jasady. Hýsıtter Saýd Arabııasynyń ońtústigindegi Djızan qalasynda ornalasqan áskerı nysandar men munaı qoımasyna soqqy jasaǵan. 15 sáýirde jasalǵan soqqydan Saudi Aramco kompanııasyna tıesili munaı qoımasy otqa orandy.
«Ansar Alla» qozǵalysynyń generaly Iahıa Sarı 11 dron jáne zymyrandar kómegimen tek qana munaı qoımasyn emes, sonymen qatar áskerı nysandardy da soqqyǵa alǵanyn, tipti Patriot zymyrannan qorǵaý qurylǵysyn da shabýyldaǵanyn aıtty.
Saýd Arabııasynyń bıligi shabýyl saldarynan úlken shyǵyn kelmegenin aıtýda. Degenmen ınternette munaı qoımasy órtenip jatqan vıdeo tarap ketti. Djızan qalasynyń mańynda zymyran shabýylynan órt paıda bolǵan. Bul hýsıtter tarapynan jasalǵan alǵashqy shabýyl emes. Buǵan deıin de hýsıtter drondar kómegimen birneshe márte soqqy jasap, qyrkúıek aıynda tipti Saýd Arabııasynyń munaı óńdeý zaýytyn isten shyǵaryp, eldi mıllıondaǵan dollar shyǵynǵa ushyratqan bolatyn.
2014 jyldan bastap Iemendegi azamat soǵysyna Saýd Arabııasy bastaǵan koalıııa aralasyp keledi. Soǵys saldarynan 20 myńnan astam adam qaza taýyp, 3 mln adam bosyp ketken. BUU soǵysty dereý arada toqtatyp, taraptarjy kelisimge kelýge shaqyrýda.
Ashat QASENǴALI,
"Adyrna" ulttyq portaly
